Armsport.am-ը գրում է.
Ինչպես հայտնի է Արցախի ֆուտբոլի հավաքականը մտադիր է իր նորամուտը նշել միջազգային ասպարեզում՝ չճանաչված հանրապետությունների աշխարհի առաջնության ժամանակ, որը կայանալու է այս տարվա ամռանը, «ConIFA»-ի հովանու ներքո:
Օրերս, Ադրբեջանի ֆուտբոլի ֆեդերացիան նամակ էր ուղարկել ՖԻՖԱ-ին, Շվեդիայի ֆուտբոլի ֆեդերացիային և «ConIFA»-ին, պահանջելով արգելել Արցախի հավաքականի մասնակցությունը մրցաշարում:
«ConIFA»-ի պաշտոնական կայքում արդեն հայտնվել է Ադրբեջանի ֆուտբոլի ֆեդերացիայի նամակի պատասխանը՝ մրցաշարի կազմակերպիչների մերժմամբ:
«Մենք կարծում ենք, որ երկրագնդի յուրաքանչյուր անկյունում ապրող մարդիկ իրավունք ունեն ներկայացնել սեփական մշակույթը և միջազգային ասպարեզում: Այսպիսով, մենք այլ տարբերակ չունենք քան մերժել Ադրբեջանի ֆուտբոլի ֆեդերացիային», - նշված է «ConIFA»-ի պատասխանի մեջ:
