Շարունակելով անդրադառնալ ժամանակակից գեղանկարիչներին` այս անգամ կներկայացնենք իսպանացի տաղանդավոր գեղանկարիչ Ռուբեն Բելոսոյին: Բելոսոն ծնվել 1986թ.-ին` Սեվիլիայում: Սովորել է Սեվիլիայի համալսարանի արվեստի բաժնում: Լինելով ընդամենը 27 տարեկան` նա արդեն իր ուրույն տեղն ունի արվեստի աշխարհում: Գեղանկարիչը կտավի վրա պաստելով այնպիսի գեղեցիկ դիմանկարներ է ստեղծում, որ դժվար է հավատալ, որ դրանք լուսանկարներ չեն: Նա մանրակրկտորեն ուշադրություն է դարձնում մանրուքներին ու արտահայտում ամբողջ զգացմունքները, որ ունեն այդ կերպարները` կարողանալով դիմանկարները կենդանացնել գույների ճիշտ ընտրությամբ` օգտագործելով լույսի ու ստվերի ճիշտ խաղը: Նրա կերպարների դիմագծերում կարելի զգալ մարդկային հոգու խորությունը, որն արտացոլվում է ամեն մի դիմանկարի կերպարի հայացքում ու կնճիռներում:
Գեղանկարիչը յուրահատուկ տեխնիկայով իսկապես տպավորիչ աշխատանքներ է կատարում, որը քչերին է հասու:
 |
 |
 |
 |
Ի դեպ նախորդ անգամ նույնպես անդրադարձել էինք հիպերռեալիստական ոճով ստեղծագործող արվեստագետի, սակայն երկու գեղանկարիչների ձեռագիրն ու տեխնիկան մեծապես տարբերվում է, չնայած այն բանի որ ստեղծագործում են նույն ոճում: Համոզվելու համար այցելեք այստեղ:
