Armnewstv.am-ը գրում է.
ԵԱՀԿ ՄԽ ամերիկացի համանախագահ Ջեյմս Ուորլիքի խոսքով արցախյան հակամարտությունը լուծելու համար այժմ նոր հնարավորություն կա:
«Երեկ Բաքվում ասացի, որ հիմա կա խաղաղության մի պատուհան, մի հնարավորություն: Եթե ոչ հիմա, ապա ե՞րբ: Մենք պետք է հետամուտ լինենք դրան, գործենք ակտիվորեն: Ադրբեջանի ու Հայաստանի ժողովուրդները չպետք է պահանջեն ոչինչ ավելի քիչ, քան խաղաղությունն է: Մենք տեսնում ենք, որ կա այդ հնարավորությունը: Ընտրությունները անցել են, և երկու նախագահներն էլ վերընտրվել են», - ասել է Ջեյմս Ուորլիք:
Միջնորդներն այժմ ակտիվ աշխատում են կողմերի միջև վստահություն ամրապնդելու ուղղությամբ: Բաց է մնում հարցը` ինչպես, եթե Ադրբեջանը հրադադարը չի պահպանում:
«Մենք դեմ ենք սահմանին որևէ լարմանը: Երբեմն շատ դժվար է լինում պարզելը, թե ինչպես է միջադեպը սկսվել, որովհետև հստակ զեկուցվող տեղեկություն չկա: Մենք պետք է հիմնվենք կողմերի հաշվետվությունների վրա: Նրանք, իհարկե, ԵԱՀԿ-ին պարբերաբար ուղարկում են զեկույցներ, բայց հաճախ շատ դժվար է հասկանալ, թե ինչպես է միջադեպը սկսվել»:
Ուորլիքը խոսել է նաև Լեռնային Ղարաբաղում իր հանդիպումների մասին: «Մենք ցանկանում ենք լսել բոլոր կողմերին: Ղարաբաղ այցելելու ժամանակ ես հանդիպում եմ նախագահի, արտգործնախարարի և քաղաքացիական հասարակության ներկայացուցիչների հետ»,- ասել է նա:
Հենց այս ձևակերպման վերաբերյալ ամերիկացի համանախագահը թվիթերում գրել է, որ վիրպակ է թույլ տվել և մոռացել է դե ֆակտո եզրը:
«Արմնյուզին տված հարցազրույցում ես նկատի եմ ունեցել Լեռնային Ղարաբաղի դե ֆակտո իշխանություններին», - ասել է ամերիկացի դիվանագետն ու հստակեցրել է, որ հենց այդպիսին է ամերիկյան տեսակետը:
Տեսանյութը կարող եք դիտել այստեղ
