Հոդվածում առանձնացվել են այն 13 մեքենաները, որոնք նախորդ տարի ամենաշատն են քննարկվել, փնտրվել ու որոնց նկարներն առավել շատ են տարածվել համացանցում: Այս մեքենաները դուր կգան նույնիսկ նրանց, ովքեր երկանիվները գերադասում են քառանիվներից:
13 Toyota 2000GT
1968թ.-ի արտադրության Toyota 2000GT մոդելի ավտոմեքենան ճապոնական դասական մեքենաների արտադրության ամենավառ օրինակներից մեկն է, որի գինը հասնում է 1.000.000-1.200.000 դոլարի: Մեքենայի նախագծողներն ու դիզայնի հեղինակներն են Ալբրեխտ Գոերցն ու Սատորու Նոզակին:
12 Jaguar Eagle E-coupe
1962թ.-ին Jaguar-ը արտադրեց երբևէ արտադրված «ամենադասական» ավտոմեքենան: Մեքենան հագեցած է 345 ձիաուժ ունեցող, 4.7 լիտր տարողունակությամբ ալյումինե շարժիչով: Մեքենայի արժեքը հասնում է 1.050.000 դոլարի:
11 Ford RS200
Ford RS200-ը բրիտանական արտադրության ամենախորհրդանշական մեքենաներից մեկն է` արտադրված 1984թ.-ին: Մեքենան նախագծվել է Ֆորմուլա-1-ի դիզայներ Տոնի Սաութգեյթի ու Ֆորմուլա 1-ի ճարտարագետ Ֆորդի Ջոն Ուիլերի կողմից: Մեքենայի արժեքը 120.000-150.000 ամերիկյան դոլար:
10 Porsche The Singer 911
Մեքենայի նախագծողները օգտագործել են 1990-1994թ.-ի Porsche 911 (964) մոդելը որպես նախատիպ: Մեքենան ունի 380 ձիաուժ հզորություն՝ 3.6-3.9 լիտր տարողունակությամբ, օդով հովացվող շարժիչ: Մեքենայի գինը 200.000-350.000 դոլար:
9 Lola T70 MKIII B
Lola T70 MKIII B մոդելի մեքենան հենց այն մեքենան է, որը վարել է Ֆորմուլայի լեգենդար մրցարշավորդ Ջոն Սյուրտիսի կողմից: Մեքենայի նախագծողը անգլիացի Էրիկ Բրոդլին է: Մեքենան ոչ պաշտոնապես համարվում է Ford GT40-ի նախատիպը: Մեքենան 2013թ.-ի փետրվարին հանվել էր աճուրդի՝ 1.065.600 դոլար մեկնարկային գնով:
8 Duesenberg SJ Coupe
Dusenberg-ը մեքենաների պատմության մեջ է եղել այնպիսի ճոխ ավտոարտադրող մակիշների հետ, ինչպիսիք Bugatti-ին, Maybach-ը և Rolls-Royce-ն են, ու 2011թ.-ին Dusenberg անունը նորից հնչեց:
1935թ.-ի արտադրության Dusenberg SJ երկդռնանի մեքենայի նախագծողը Ուոքեր Լագրանդեն է: Մեքենան հագեցած է 320 ձիաուժ շարժիչով, արագությունը կարող է հասնել մինչև 209 կմ/ժ-ի: Մեքենայի արժեքը տատանվում է 3.500.000-5.000.000 դոլարի միջև:
7 Retrobuilt 1969 Mustang Fastback
Retrobuilt 1969 Mustang Fastback մեքենան դասական էքստերիերով մեքենա է, որը վերարտադրվել է արդեն 2013թ.-ին՝ ներսից ավելի մոդեռն տեխնոլոգիաներով:
6 1939 Alfa Romeo 6C 2500
1939 Alfa Romeo 6C 2500 մեքենան նախագծվել է Կարոզերիա Թորինգի կողմից: Մեքենան արտագրվել 1925թ.-ից ու համարվում է Alfa-ի ամենաերկար արտադրության մեքենան: Մեքենայի շարժիչի ուժը 120 ձիաուժ է: Տասնամյակներ իր սեփական հավաքածուում պահված այս մեքենան նախորդ տարվանից հանված է աճուրդի:
5 1997թ. Ferrari F310B
1997թ. Ferrari F310B-ի մեքենան 1996թ.-ի Ferrari F310-ի բարելավված տարբերակն է: Մեքենան վարել է նաև Շումախերը: Մեքենայի շարժիչը 3 լիտրանոց V10:
4 1958 BMW 507 Series II Roadster
1958 BMW 507 Series II Roadster մեքենան արտադրվել է BMW-ի կողմից՝ 1956-1959թթ.: Չնայած իր գեղեցիկ տեսքին՝ մեքենան գրեթե սննկացրեց ավտոարտադրող ընկերությանը:Այս մեքենայից արտադրվել է ընդամենը 252 հատ: Մեքենայի հզորությյունը 150 ձիաուժ է, իսկ նախագծի հեղինակը Ալբրեխտ վոն Գոերցն է: Մեքենայի գինը կազմում է 1-1.4 միլիոն դոլար:
3 1929 Ford «Dick Flint» Roadster
1929թ.-ին Ford «Dick Flint» Roadster-ը ժամանակի ամենացանկալի մեքենան էր: Դիք Ֆլինթը մեքենան նախագծել է Ֆորդի երեք տարբեր մոդել միաձուլելով մեկ մեքենայի մեջ: Մեքենայի արագությունը հասնում է 231կմ/ժ-ի: Մեքենայի արժեքը կազմում է 700.000-900.000 դոլար:
2 Ferrari F40
1990-ականներին Ferrari F40 մեքենայի պաստառը թերևս փակցված է եղել շատ տղաների սենյակի պատերից: Մեքենան համարվել ու մինչև հիմա էլ համարվում է բոլոր ժամանակների լավագույն մեքենաներից մեկը: Այն առաջին անգամ արտադրվել է 1987թ.-ին ու դրա առաջնային մրցակիցներն են եղել Porsche 959-ը և Lamborghini Countach-ը: Մեքենայի արագությունը կարող է հասնել մինչև 322կմ/ժ-ի, իսկ դրա հզորությունը հասնում է մինչև 471 ձիաուժի:
1 1977 Toyota FJ40 Land Cruiser
Toyota FJ40 Land Cruiser-ը Willys Jeep-ի ու Land Rover-ի շարքի մեքենաների հետ միասին համարվում է 4x4-ների ամենախորհրդանշական մեքենաներից մեկը: Toyota-ն 4x4-եր առաջին անգամ սկսեց արտադրել 1941թ.-ից: Մեքենան այս տարվա հունվարի 17-ին Արիզոնայում հանված աճուրդի արդյունքում վաճառվել է 101.750 դոլարով:
