1in.am-ը գրում է.
Եվրամայդանի ներկայացուցիչները մտադիր չեն կատարել «Ռեգիոնների կուսակցության» կողմից ընդունված համաներման մասին օրենքը՝ հաղորդում է УНН-ն:
Այդ մասին այսօր կայացած ճեպազրույցի ժամանակ հայտնել է Մայդանի ներկայացուցիչ Անդրեյ Պարուբիյը՝ ասելով, որ իրենք Գրուշևսկու փողոցի բարիկադները չեն պատրաստվում տեղափոխել:
«Այնտեղ շատ լավ բարիկադներ են: Մենք շատ ջանքեր ենք թափել դրանց վրա, և այնտեղ զոհվածների լուսանկարներն են»,- ասել է նա:
Նրա խոսքերով՝ Մայդանը չի հետևի համաներման մասին օրենքի պահանջներին, որի համար երեկ կողմ են քվեարկել «ռեգիոնականները»:
«Մեր դիրքորոշումն անփոփոխ է: Մենք չենք կարող մարդկանց փոխել տարածքներով: Իշխանությունը պարտավոր է կալանավորներին ազատ արձակել միակողմանի կարգով»,- ասել է Պարուբիյը:
«Մայդանն, ինչպես կանգնել, այդպես էլ կանգնած է մնալու»,- ընդգծել է նա:
