Թուրքիայի Բաթմանի (պատմական Սասուն) համալսարանի գիտական հետազոտությունների կենտրոնը 5 շրջաններում «մշակութային գույքագրման» աշխատանքներ է կատարել, փոխանցում է թուրքական «Հաբերլեր» լրատվականը:
Ուսումնասիրության արդյունքում 350 շինությունների մնացորդներ են գտնվել, որոնք պատկանում են տեղանքի հայկական վանքերին, եկեղեցիներին, ամրոցներին, բնակավայրերին և անգամ մզկիթներիՆ:
Այս բոլոր պատմական արժեքների մնացորդների զգալի մասն օգտագործվել է տեղի քուրդ և թուրք գյուղացիների կողմից` գոմեր, տներ և այլ շինություններ կառուցելու նպատակով:
6 ամիս տևած հետազոտությունն անցկացվել է 5 հոգանոց խմբի կողմից հիմնականում Սասունի տարածքում:
Աշխատանքներին իր աջակցությունն է հայտնել նաև Ստամբուլում գործող Սասունի հայերի միությունը:
Հայկական կազմակերպության նախագահ Ազիզ Դաղջըն հայտարարել է, որ ցավոք շատ հայկական և ասորական շինություններ և դրանց մնացորդներ տեղի գյուղացիների համար ծառայել են որպես քարահանք:
Նա նշել է, որ դրանց նկատմամբ ուշադրությունը կվանի գանձ որոնողներին և դրանց որպես շինանյութ նայող մարդկանց, ինչպես նաև զբոսաշրջության զարգանալու հնարավորություններ կստեղծի:
Նյութի աղբյուր՝ http://gevorgpetrosyan.livejournal.com/200314.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել