1in.am-ը գրում է.

Ուժի կիրառումը չի լուծի Լեռնային Ղարաբաղի հակամարտությունը: Ինչպես հաղորդում է Trend գործակալությունը, այս մասին հայտարարել է ԱՄՆ պետդեպարտամենտի մամլո ծառայության ղեկավարի տեղակալ Մարի Հարֆը:

«Մենք տեսել ենք հաշվետվություններ և ցավում ենք մարդկային զոհերի համար ցանկացած վայրում, իհարկե՝ նաև այստեղ: Մեր դիրքորոշումը չի փոխվել՝ ուժի կիրառումը չի լուծի այս հակամարտությունը: Մենք կողմերին կոչ ենք անում զերծ մնալ ուժի կիրառումից կամ ուժի սպառնալիքից»,- ասել է Հարֆը:

Նրա խոսքերով՝ ԱՄՆ-ը, ինչպես նախկինում, հակված է աշխատել Հայաստանի և Ադրբեջանի հետ՝ հակամարտության խաղաղ կարգավորման հասնելու նպատակով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել