1in.am-ը գրում է.
ՄԱԿ-ի գլխավոր քարտուղար Պան Գի Մունը ցուցարարներից և ուկրաինական իշխանություններից պահանջել է գործել զուսպ, խուսափել բռնության հետագա աճից և երկխոսություն սկսել Ուկրաինայի ապագայի հարցով համաձայնության հասնելու նպատակով:
Ինչպես հայտնել են գլխավոր քարտուղարի գրասենյակում, նա շարունակում է ակնդետ և մտահոգությամբ հետևել հանրապետությունում իրադարձությունների զարգացմանը՝ փոխանցում է ITAR-TASS-ը:
ՄԱԿ-ի գլխավոր քարտուղարը կոչ է անում պահպանել կամարտահայտման ազատության և խաղաղ հավաքների անցկացման ժողովրդավարական սկզբունքները՝ ընդգծվում է հաղորդագրությունում:
Պան Գի Մունը դիմակայության բոլոր մասնակիցներից պահանջել է սկսել նպատակային, բովանդակալից և համապարփակ երկխոսություն, ինչպես նաև հաստատել երկրի ապագայի վերաբերյալ ուկրաինացիների միջև համաձայնության անհրաժեշտությունը:
Կիևում այսօր շարունակվում են ընդդիմության զանգվածային ելույթները՝ ուղեկցվելով իրավապահների հետ ընդհարումներով:
