1Footsport.am-ը գրում է.

Հունվարի 5-ից Ծաղկաձորում իր առաջին ուսումնական հավաքն է անցկացնում Հայաստանի բարձրագույն խմբի առաջատար Երևանի Արարատը: Ծաղկաձում մեր թղթակիցը հանդիպեց թիմի գլխավոր մարզիչ Աբրահամ Խաչմանյանին, ով սիրով համաձայնեց հարցազրույցի առաջարկին:

-Ինչպիսի՞ նպատակներ ունենք առաջնության վերսկսումից առաջ:
-Առաջին ուսումնամարզական հավաքը սկսել ենք հունվարի 5-ից, որը կշարունակվի մինչև հունվարի 13-ը: Բոլոր ֆուտբոլիստները ներգրավված են մարզումներին, բացառությամբ երեք լեգեոնական ֆուտբոլիստների: Ստամենկովիչը, Բոնդիչը և Ռակիչը խնդրել էին որպեսզի մի քանի օր ուշ միանան թիմին: Այսօր երեկոյան նրանք կժամանեն Ծաղկաձոր: Մեր նպատակն է առավել կայունացնել խաղը, ավելի դիտարժան ու կայուն ֆուտբոլ խաղալլ:

-Ինչպե՞ս է ընթանում թիմի համալրման գործընթացը:
-Ես բազմիցս նշել եմ՝ 4-5 խաղացողի կարիք ունենք, որպեսզի ավելի կայուն թիմ լինենք: Կարող եմ նշել, որ առայժմ երկու արտերկրացիք ֆոտբոլիստների հետ բանակցություններ ենք վարում: Եթե դրանք հաջող ավարտվեն, ֆուտբոլիստները ժամանեն և տեղում կծանոթանաք նրանց հնարավորություններին: Քանի որ մի բան է նրանց խաղերի տեսագրությունը դիտելը,  մի այլ բան է տեղում ծանոթանալ նրանց իրական հնարավորություններին:

-Ծաղկաձորում հիմնական ուշադրությունը ինչի՞ վրա է դրված:
-Այն թիմերում,  որտեղ աշխատել եմ, առաջին ուսումնահավաքը հնարավորության դեպքում կազմակերպել եմ Ծաղկաձորում, որովհետև կլիման հնարավորություն է  տալիս ավելի լավ պայմաններ ստեղծել խաղացողների ընդհանուր դիմացկունությունը բարձրացնելու համար: Բայց չենք մոռանում նաև տեխնիկական պատրաստվածությունը, որի վրա նույնպես ուշադրություն ենք դարձնում:

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել