Ես Արամ mp3 հումորիստի դեմ ոչինչ չունեմ, Եվրատեսիլն էլ չեմ համարում արհեստավարժ մրցույթ: Ընդամենը քաղաքականացված շոու է, որը մի շարք երկրների հնարավորություն է տալիս լուծելու ինչ-ինչ քաղաքական հարցեր, իսկ Հայաստանի նման երկրների եվրատեսիլյան պատասխանատուներին էլ՝ վերջին տարիներին բարելավել իրենց նյութական վիճակը Կալուգայի Սամոյի, ,,Կյանքի խոսքի,, և այլոց հաշվին...
Սակայն ինձ միանգամայն այլ բան է հետաքրքրում. եթե չկա երգը, ինչպե՞ս է ընտրվում երգիչը, երբ ընտրության հիմքում պիտի լինեն երգը, նրա համահնչունությունը եվրատեսիլյան ,,ստանդարտներին,, , կատարման և մատուցման առանձնահատկությունները... Ի վերջո, մի երգիչ կարող է շատ լավ կատարել ինչ-որ երգ, բայց ահա Եվրատեսիլի համար գրված երգը հեռու լինի նրա ձայնական դիապազոնից, կատարողական սկզբունքներից...
Մի խոսքով...
Եկող տարի առաջարկում եմ Եվրատեսիլ ուղարկել Վիտամին ակումբը... Անգամ երգի կարիք էլ չի լինի...
