Միջպետական և հանրապետական նշանակության ավտոճանապարհները բաց են

1in.am-ը գրում է.

ՀՀ տրանսպորտի և կապի նախարարությունը տեղեկացնում է, որ դեկտեմբերի 17-ին` ժամը 17:30-ի դրությամբ, հանրապետության որոշ շրջաններում` Սևանում, Գավառում և Գորիսում ձյուն է տեղում:

Աշոցքի, Սևանի, Դիլիջանի, Գավառի, Ճամբարակի, Սիսիանի, Կապանի ավտոճանապարհների զգալի մասում և Սելիմի լեռնանցքում տեղ - տեղ առկա է մերկասառույց:

Եղանակային դժվարություններից խուսափելու համար վարորդներին խորհուրդ է տրվում առանց խիստ անհրաժեշտության ժամը 17:00 - ից մինչև 7:00 չօգտվել Թթու ջուր - Նավուր ճանապարհից:

Ավտոճանապարհներին իրականացվում են մշակման աշխատանքներ` անվտանգ երթևեկությունն ապահովելու նպատակով: 

Միջպետական և հանրապետական նշանակության ավտոճանապարհները բաց են: 
ՀՀ տրանսպորտի և կապի նախարարության 
լրատվական ծառայություն