1in.am-ը գրում է.

Իտալական «Նապոլի»-ի դարպասապահ Խոսե Մանուել Ռեյնան մեկնաբանել է այն ասեկոսեները, որ իր ծառայություններով հետաքրքրված է կատալոնական «Բարսելոնա»-ն:

« «Բարսելոնա»-ն ցանկանում է գնել իմ տրանսֆերը. կարծում եմ, ես նրանցից մեկն եմ, որոնց թեկնածությունները նրանք դիտարկում են: Քանի որ ակումբն այժմ արդեն հաստատ գիտի, որ Վալդեսը հեռանալու է թիմից:

Չեմ մտածում «Բարսելոնա» վերադառնալու մասին, քանի որ ամեն ինչին իրատեսորեն եմ նայում: Այս պահին այդպիսի հնարավորություն չկա, ուստի այդ առումով որոշելու ոչինչ չկա»,- ասել է իսպանացի դարպասապահը:

Հիշեցնենք` «Բարսելոնա»-ի փոխնախագահ Խոսեպ Բարտոմեուն հաստատել էր, որ Ռեյնան գտնվում է ակումբի տրանսֆերային հնարավոր ձեռքբերումների ցուցակում: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել