Խոհանոցային պարագաները հիանալի նվերներ են: Կան բազում խոհանոցային պարագաներ, որոնք բավականին մատչելի գին ունեն, և բավականին կոմպակտ ու պրակտիկ են: Այս ցուցակում ներկայացված խոհանոցային սարքերի շարքում դուք էլ կարող եք հարմար ամանորյա նվեր գտնել ձեր մտերիմների համար:
1. Սուշիի «հրթիռարձակ» «Սուշեզի» 24.99 դոլար
Հիանալի նվեր է ընտանիքի և ընկերների համար, ովքեր սիրում են սուշի, սակայն չեն կարող իրենց թույլ տալ ամեն շաբաթ ճապոնական ռեստորան գնալ: Սուշի պատրաստելը հեշտ բան չէ: Որքան էլ որ պատրաստման հեշտ եղանակներ առաջարկվեն YouTube-ի տեսանյութերում, միևնույնն է, դա բավականին բարդ գործ է: Սուշեզին մի գործիք է, որն արտաքուստ ասես մինի հրթիռարձակ լինի: Լցրեք բաղադրատարրերը այս սարքի մեջ, փակեք սարքը, և այն ամեն ինչ «պրես» կանի: Համապատասխան կոճակը սեղմելուց հետո սուշին դուրս կգա այս սարքից: Ձեզ մնում է միայն կտրատել այն ու մատուցել:
2. Բրնձի խորանարդ. 19.99 դոլար
Հիանալի նվեր է այն մարդկանց համար, ովքեր սիրում են «կոմպակտ» ուտելիքներ: Եթե դուք այնքան էլ չեք սիրում սուշի, դուք կարող եք համեղ նախուտեստներ պատրաստել այս գործիքով: Այս սարքը բրինձը խորանարդաձև է դարձնում: Դուք կարող եք բրնձից բացի, լցնել այլ բաղադրատարրեր: «Բրնձի խորանարդ» սարքի մեջ լցրեք բրինձն ու այլ բաղադրատարրեր (օր.` բանջարեղեն, պանիր, կանաչի) և այս սարքը ձեր լցրած զանգվածը կվերածի փոքրիկ խորանարդների:
3. «Chefn Bananza» բանան կտրտելու սարք. 9.99 դոլար
Հիանալի անակնկալ է կապիկների համար :), ինչպես նաև բանանի դիետա պահող մարդկանց համար: Գուցե առաջին հայացքից թվա, թե սա անպետք իր է, սակայն պատկերացրեք, որ մի քանի րոպե դանակով բանանը կտրատելու փոխարեն դա կարող եք անել հաշված վայրկյանների ընթացքում: «Bananza»-ի շնորհիվ դուք կխնայեք ձեր ժամանակը: Բացի այդ, այս սարքն անվտանգ է, քանի որ այն պատրաստված է չժանգոտվող պողպատյա բութ սայրերից: Այն շատ հեշտ է օգտագործել և անգամ երեխաները կարող են այս սարքի միջոցով բանան կտրատել:
4. Արքայախնձոր մաքրելու գործիք. 5.97 դոլար
Հիասքանչ նվեր է այն մարդկանց համար, ովքեր չեն կարողանում արքայախնձորը կեղևազատել: Ցանկանում եք արքայախնձորի օղակներ կտրատել: Դա բավականին հեշտ է: Պարզապես հեռացրեք արքայախնձորի վերին հատվածը, ապա այս սարքի չժանգոտվող պողպատի մասը մտցրեք արքայախնձորի մեջ և պտտելով աստիճանաբար ավելի խորացրեք այն: Հաշված րոպեների ընթացքում` դուք կարող եք առանձնացնել արքայախնձորի միջուկը կեղևից:
5. Ավոկադու կտրատելու սարք «OXO երեքը մեկում». 9.99 դոլար
Ավոկադոյի օգտագործումը ձեր սննդակարգը կհարստացնի անհրաժեշտ սննդարար նյութերով: Այս խոհանոցային սարքը հնարավորություն է տալիս կիսել ավոկադոն, մաքրել նրա կորիզները և կտրատել այն:
6. Նախաճաշի սենդվիչ պատրաստելու սարք. 24 դոլար
Հիանալի նվեր է չամուսնացած մարդկանց, ուսանողների ու աշակերտների համար: Այս բազմաֆունկցիոնալ սարքի միջոցով դուք կարող եք կարմրացնել ձեր հացը, եփել ձվերը և և տաքացնել սառը մթերքները: Այսպիսով, դուք կարող եք միայն մի սարքի միջոցով պատրաստել սննդարար նախաճաշ: Սա հիանալի նվեր կլինի զբաղված մարդկանց համար, ովքեր իրենց ծանրաբեռնված գրաֆիկի պատճառով, չեն հասցնում առավոտյան նախաճաշել:
7. «Amco Rub-Away Bar». 7 դոլար
Սոխն ու սխտորը շատ ճաշատեսակներում են օգտագործվում: Դրանք օգտագործվում են աշխարհի տարբեր խոհանոցներում: Այնուամենայնիվ, թե՛ սխտորը, թե՛ սոխը տհաճ հոտ են թողնում ձեռքերի վրա: «The Amco Rub-Away Bar»-ը նախատեսված է ձեր ձեռքերից այդ հոտը հանելու համար: Այլևս կարիք չկա օճառ օգտագործել և մի քանի անգամ լվանալ ձեռքերը: Այս սարքը կօգնի ձեզ ազատվել ոչ միայն սոխի և սխտորի, այլև ցանկացած այլ տհաճ հոտից: Այսպիսով, դուք կարող եք օգտագործել այն ձուկ պատրաստելուց, խաչափառներ ուտելուց կամ հոտած պանրին ձեռք տալուց հետո:
8. Խոհանոցային մկրատ կանաչեղենի համար. 9.95 դոլար
Ճաշատեսակներ պատրաստելուց որոշ ժամանակ հետո դուք կվարժվեք տարբեր մթերքներ կտրատելուն: Այնուամենայնիվ, դա բավականին ժամանակատար զբաղմունք է: Այս խոհանոցային մկրատը հնարավորություն է ընձեռնում մանր կտրատել կանաչեղենը և խնայել ձեր ժամանակը: Այս մկրատի ամենամեծ առավելությունն այն է, որ դուք կարող եք կտրատել կանաչեղենն անմիջապես այն ափսեի մեջ, որով մատուցելու եք ուտելիքը, այսինքն` կարիք չկա կտրատելու տախտակ օգտագործել:
9. «Արջի թաթեր» մսի պատառաքաղ. 12.95 դոլար
Հիանալի նվեր է այն մարդկանց համար, ովքեր ուզում են գազանաբար պատառոտել միսը: Ցանկանում եք անտառի քաղցած արջի պես պատառոտե՞լ միսը: Իսկ ո՞վ է խանգարում: Այս պատառաքաղների շնորհիվ դա այժմ հնարավոր է: Այս հարմարանքը` 6 սուր «մագիլների» շնորհիվ, թույլ է տալիս արագորեն պատառ-պատառ անել միսը: Այն պատրաստված է ամուր ու դիմացկուն պլաստիկ նյութից: Այսպիսով, դուք կարող եք գրիլից բիֆշտեքսները վերցնել` առանց ձեր ձեռքերը վառելու:
10. «Norpro EZ Jalapeno» գործիք. 7.23 դոլար
Սա այն խոհանոցային հարմարանքներից է, որ այնքան էլ հաճախ չի օգտագործվում, սակայն այն, այնուամենայնիվ, բավականին հաճելի նվեր կլինի ցանկացած տնային տնտեսուհու համար: Չժանգոտվող պողպատի շեղբով այս սարքով կարճ ժամանակում կարելի է հեռացնել պղպեղի սերմերը:
11. Աղցան պատրաստելու հարմարանք. 15.58 դոլար
Հիանալի նվեր է թեթև սնունդ նախընտրող և դիետա պահող մարդկանց համար: Նախ պետք է տախտակի վրա կտրատել բանջարեղենը, լցնել այն թասի մեջ և խառնել: Խոհանոցային այս հարմարանքը թույլ է տալիս այդ ամենն միանգամից թասի մեջ անել: Այս սարքի մկրատի մեխանիզմը թույլ է տալիս հեշտությամբ կտրատել բանջարեղենը, իսկ կողքից ամրացված գդալի օգնությամբ, կարելի է խառնել ստացված զանգվածը: Բռնակը բավականին հարմար է, իսկ մանր ատամնավոր եզրերով շեղբն այնպիսի նյութից է պատրաստված, որը չի վնասում թասը:
12. Խնձոր ու կարտոֆիլ մաքրելու սարք «Victorio». 23.14 դոլար
Այս սարքն այնպիսի տեսք ունի, որ թվում է, թե այն ավելի հարմար է արհեստանոցի, քան թե խոհանոցի համար: Սակայն սա միայն առաջին տպավորությունն է: Այս սարքի շնորհիվ կտրատելը և կճպելը շատ ավելի հեշտ է դարձել: Մի քանի անգամ պտտացրեք բռնակը և խնձորը կամ կարտոֆիլը մի ակնթարթում կկճպվի: Սարքն էմալապատ է, շեղբերը պատրաստված են չժանգոտվող պողպատից, մի խոսքով, սա բավականին երկարադիմացկուն սարք է:
13. «Chefn StemGem». 6.76 դոլար
Այս սարքը թույլ է տալիս արդյունավետ կերպով հեռացնել ելակների պոչերը` առանց վնսելու միրգը: Այն կարող է օգտագործվել նաև այլ նմանատիպ մրգերի, ինչպես նաև լոլիկների պոչերի հեռացման համար:
14. Հարմարավետ տարաներ. 19 դոլար
Երբեմն այնպես է պատահում, որ օգտագործում ես սոխի կեսը կամ ուտում են նարնջի կեսը: Խնդիրն այն է, որ մնացած կեսը հիմնականում փչանում է, եթե շուտ չեք օգտագործում այն: Նման տհաճ երևույթից խուսափելու համար ստեղծվել են այս հրաշալի սիլիկոնե տարաները: Պետք է կտրված մասով մրգերն ու բանջարեղենը դնել այդ տարաների մեջ: Մթերքը թարմ է մնում այս տարաներում: Հավաքածուում 4 տարբեր չափսերի տարաներ կան` տարբեր մրգերի և բանջարեղենի համար: Դրանցում կարող եք դնել խնձոր, սոխ, լոլիկ և այլն:
15. Պարուրաձև կտրատող սարք «Brieftons». 23.50 դոլար
Հրաշալի նվեր է հումակերների և առողջ սնունդ նախընտրողների համար: Այս սարքի շնորհիվ դուք կարող եք կտրատել ցանկացած բանջարեղեն երկար սպագետիի պես: Այսպիսով գազարը, շաղգամը, վարունգը կարելի է ճաշատեսակներում օգտագործել նաև այս հետաքրքիր եղանակով կտրատված վիճակում: Պարզապես, պետք է բանջարեղենը դնել սարքի համապատասխան մասում և սկսել պտտացնել այն այնպես, ասես սրիչով մատիտ սրելիս լինեք: Այսպիսի գնով նման սարք ձեռք բերելը բավականին շահավետ է:
16. «Joseph-Joseph» կտրատելու տախտակներ. 20.36 դոլար
Սքանչելի անակնկալ է այն մարդկանց համար, ովքեր կերակուր են պատրաստում մեծ ընտանիքների համար: Երբեմն ողջ ուտելիքը, որ պատրաստվում եք պատրաստել, չի տեղավորվում մի կտրատելու տախտակի վրա: Անշուշտ, հնարավոր է օգտագործել ափսեներ ու թասեր` մնացած մթերքը դրանց վրա դնելու համար, սակայն մենք ավելի լավ լուծում ենք առաջարկում: Այս հավաքածուն բաղկացած է չորս տախտակից: Դրանցից մեկը պատրաստված է ապակուց և կարող է դիմանալ մինչև 276 աստիճան տաքության, ուստի կարող է օգտագործվել նաև իբրև տակդիր:
17. «Joseph-Joseph» փլավքամիչ. 11.99 դոլար
Այս փլավքամիչը նման է մյուս սովորական փլավքամիչներին: Միակ տարբերությունն այն է, որ այն կոմպակտ է ու քառակուսաձև, ինչի շնորհիվ էլ քիչ տարածություն է զբաղեցնում խոհանոցում: Բացի այդ, այս փլավքամիչը հարմար բռնակ ունի, ինչն էլ ավելի է հեշտացնում դրա օգտագործումը:
18. Փքաբլիթների պատրաստման սարք «Bella Cucina». 19.37 դոլար
Հիանալի անակնկալ է այն մարդկանց համար, ովքեր չեն փորձում նիհարել: Այո, սա ասես փքաբլիթների պատրաստման մինի գործարան լինի: Նրանում կարող եք լցնել ձեր պատրաստած խմորը և, մի քանի րոպե անց, փքաբլիթները պատրաստ կլինեն:
19. Շշի խցան «Black Beauty». 15.90
Հրաշալի նվեր է գարեջրագործների և բոլոր նրանց համար, ովքեր մոռանում են փակել գարեջրի շիշը: Շատերս հաճախ խմում ենք գարեջրի կեսը` մնացած մասը թողնելով շշի մեջ: Եթե շիշը բաց է մնում, գարեջուրն այլևս օգտագործման պիտանի չի լինում: Հենց դրա համար էլ ստեղծվել է այս խցանը, որը թույլ չի տալիս, որպեսզի գարեջրի գազն անցնի:
20. «Joseph-Joseph» ճկվող փլավքամիչ. 19.95 դոլար
Փլավքամիչները սովորաբար շատ տեղ են զբաղեցնում խոհանոցում: Այս ճկվող փլավքամիչը բացառություն է կազմում: Օգտագործումից հետո այն կարելի է «ծալել» և կոկիկ տեղադրել պահարանի մի անկյունում:
21. Կարկանդակ պատրաստելու սարք. 18.99 դոլար
Այս սարքի մեջ դուք կարող եք պատրաստել խնձորի, բանանի կամ մսի կարկանդակ: Այստեղ տեղավորվում է մինչև 4 կարկանդակ: Ընդամենը մի քանի րոպե, և ախորժելի կարկանդակները պատրաստ են:
22. Ձվի սիլիկոնե ափսե «Casabella». 7.64 դոլար
Ինչպե՞ս կարելի է պատրաստել քառակուսի ակնիկ: Պարզապես պետք է քառակուսիաձև թավայի մեջ կոտրել ձուն և այն դնել գազօջախին: Սովորական քառակուսիաձև թավայի փոխարեն դուք կարող եք օգտագործել այս սիլիկոնե ափսեն: Այն տեղադրվում է միկրոալիքային վառարանի մեջ, և դրա միջի ձուն պատրաստվում է ընդամենը 1 րոպեում:
