DSC02301Footsport.am-ը գրում է.

Ինչպե՞ս թիմի համար ամեն ինչ  մի քանի րոպեում շրջվեց գլխիվայր, աննախադեպ նորություն հայկական հեռուստատեսությունում, ինչու՞ թիմի ավագի անունը բացակայում էր նույնիսկ հայտացուցակում, ինչո՞վ են նման Սերժ Դեբլեն և Գևորգ Նռանյանը, մարզչական բացահայտում հանդերձարանից, ու՞մ համար է հաջողակ  13 թիվը. այս և մի քանի այլ նկատառումներ բարձրագույն խմբի 13-րդ մրցափուլից:

ԽՈՍՈՒՄ ԵՎ ՑՈՒՑԱԴՐՈՒՄ Է ԿԱՊԱՆԸ

Ժամանակագրային առումով մրցափուլի առաջին հանդիպումը կայացավ Կապանում, որտեղ  տեղի «Գանձասարը»  հյուրընկալել էր «Բանանցին»: Այս հանդիպումն իրադարձային էր այն առումով, որ առաջին անգամ Կապանից այն  Հանրային հեռուստասեսությամբ ուղիղ հեռարձակվեց: Ինչպես հայտնի է, հանդիպումն ավարտվեց դաշտի տերերի հաղթանակով` 2-1 հաշվով: Իսկ հաղթականյ գոլի հեղինակ դարձավ Հայաստանի հավաքականի նախկին  ֆուտբոլիստ Սամվել Մելքոնյանը, ով բավականին տպավորիչ հարվածով 3 միավոր պարգևեց դաշտի տերերին: Տարօրինակ էր, որ այդ հանդիպմանը չմասնակցեց և նույնիսկ թիմի հայտացուցակում բացակայում էր «Գանձասարի»  ավագ Նարեկ Բեգլարյանի անունը: Տեղեկություն տարածվեց, որ թիմի ավագի և գլխավոր մարզչի միջև տարաձայնություններ են առաջացել, սակայն  մեր հետ զրույցում «Գանձասարի»  գործադիր տնօրեն Վլադիկ Առաքելյանը հերքեց դրա իսկությունը: Իսկ պատճառը. ըստ գործադիր տնօրենի, Բեգլարյանի վնասվածքն էր, և նա, ամենայն հավանականությամբ, պատրաստ կլինի հաջորդ խաղին:

ԳՈԼԱՅԻՆ ԱՆՀԱԳ ԾԱՐԱՎ

Կապանյան հանդիպումից մեկ ժամ անց «Հանրապետական»  մարզադաշտում մեկնարկեց «Ալաշկերտի»  և« Արարատի»  մրցախաղը: Դաշտի տերերն առաջնության հետնապահն են, իսկ արարատցիները` առաջատարը: Թվում է` այս խաղում ամեն ինչ կանխորոշված էր, սակայն նոր գլխավոր մարզչի` Արմեն Գյուլբուդաղյանցի ղեկավարությամբ  «Ալաշկերտի»  վերջին 2 անընդմեջ հաղթանակները ստիպում էր որոշ զգուշավորությամբ արտահայտվել հանդիպման վերջնական ելքի վերաբերյալ: Խաղասկիզբն էլ դրա վկայությունն էր .այն ընթանում էր գրեթե հավասար պայքարում: Սակայն 13-րդ րոպեն հաջողակ եղավ արարատցիների համար: Ավելի ստույգ` այդ րոպեին ֆուտբոլային փոքրիկ գլուգործոցի հեղինակ դարձավ Գևորգ Նռանյաը, ով տուգանայինում կասեցրեց գնդակը և շրջադարձ գեղեցիկ հարվածով առաջ մղեց իր թիմին: «Արարատի»  հարձակվողն այս խաղում մեծ ակտիվություն դրսևորեց: Նա  խաղավարտից 5 րոպե առաջ դարձավ  նաև կրկնագոլի հեղինակ` խփելով իր թիմի 3-րդ գոլը: Սակայն  դրանով Գևորգի գոլային ծարավը չհագեցավ, և նա ջանում էր ավելացնել գոլերի թիվը: Եվ 2 դրվագում շատ մոտ էր դրան, մասնավորապես` հեռու տարածությունից նրա հուժգու հարվածը աննշան շեղ ստացվեց: Իր խաղով Նռանյանն ակամա հիշեցրեց թիմի գլխավոր մարզիչ Աբրահամ Խաշմանյանի խոսքերը Սերժ Դեբլեի մասին: « Շիրակի»  հետ  գավաթի խաղարկության քառորդ եզրափակիչ պատասխան հանդիպումից հետո Խաշմանյանը` տպավորված Դեբլեի խաղով, նշել էր, որ այդ հարձակվողը խաղադաշտում հարց էր լուծում: Թերևս սխալված չենք լինի, եթե ասենք, որ «Ալաշկերտի»  դեմ խաղում էլ Նռանյանը հանդես եկավ նույն դերով: Ինչևէ, արարատցիները խոշոր հաշվով վստահ  հաղթանակ տարան, և անկախ առաջիկա 14-րդ մրցափուլի արդյունքներից, առաջնության հասարակածից հետո հպարտ միայնությամբ  կգլխավորեն մրցաշարային աղյուսակը:

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել