1in.am-ը գրում է.
Ցավի զգացողության սպասումը ավելի սարսափեցնող է մարդու համար, քան հենց ցավային զգացողությունը, ասվում է PLoS Computational Biology ամսագրում հրապարակված հոդվածում:
Ցավ զգալու կարողությունը և հետագայում դրանից խուսափելը բնորոշ է բոլոր կենդանի օրգանիզմներին, այդ թվում՝ ամեոբաներին ու պարզագույն միաբջիջ արարածներին: Հաճախ այդ կարողությունը դառնում է զանազան ֆոբիաների զարգացման պատճառ ինչպես մարդկանց, այնպես էլ փորձառու լաբորատոր կենդանիների դեպքում:
Լոնդոնի Թագավորական քոլեջից Ջիլս Սթորին ու նրա գործընկերները բացահայտել են մարդկային հոգեբանության հետաքրքիր կարողություն՝ կապված այդ զգացողության հետ, ուսումնասիրելով «անելանելի» վիճակում հայտնված կամավորների:
Եվ այսպես, պարզվել է, որ փորձի մասնակիցները նախընտրում են ավելի կոպիտ փորձը իրենց հետ այն դեպքում, եթե դա պետք է արագ կատարվի, քան ցավագին երկարատև զգացողությունը:
Դեռ հասկանալի չէ, թե ինչպես է մարդկային հոգեբանության այդ յուրահատկությունը ազդում տարբեր շեղումների, ֆոբիաների ու վախերի առաջացման վրա:
Այդուհանդերձ, գիտնականները վստահ են, որ «ցավի սպասման» հետագա ուսումնասիրությունը կօգնի հոգեբաններին ավելի լավ հասկանալ իրենց հիվանդների խնդիրները: