Հարավային Կորեայի բնակիչների մոտ մասսայական հետաքրքրություն է առաջացել սառը «նենմիոն» արիշտայի նկատմամբ այն բանից հետո, երբ հայտնի է դարձել, որ այն կմատուցվի Հյուսիսային Կորեայի առաջնորդ Կիմ Չեն Ինի և Հարավային Կորեայի ղեկավար Մուն Չժե Ինի հանդիպման շրջանակներում կայանալիք ընթրիքի ժամանակ: Այդ մասին տեղեկացրել է Հարավային Կորեայի «Յոնհափ» լրատվական գործակալությունը:
Ինչպես նշվում է, ճաշի ընդմիջման ժամին Սեուլի բնակիչները հյուսիսկորեական ոճով ձևավորել են ճաշարանները, որտեղ մատուցվում է Կիմ Չեն Ինի նախընտրած արիշտան:
«Այսօր մենք անհամեմատ մեծ քանակությամբ հաճախորդներ ունենք շնորհիվ գագաթնաժողովի: Սովորաբար այս թվով հաճախորդներ մենք միայն ամռանն ենք ունենում»,- խոստովանել է ճաշարաններից մեկի աշխատակիցը:
Գագաթնաժողվի սկզբում Կիմ Չեն Ինը ասել էր, որ գործընկերոջ համար փհենյանյան արիշտա է բերել և ուրախ կլիներ, եթե վերջինս փորձեր այն երեկոյան կայանալիք ճաշկերույթի ժամանակ:
