«Հայկական ժամանակ». Գյումրիում ոստիկանները ծեծել են ֆայտոնչուն. ոստիկանն ազատվել է պաշտոնից

«Երեկ aravot.am-ը տեղեկություն տարածեց այն մասին, որ նախօրեին Գյումրու Վարդանանց հրապարակում վիճաբանության է տեղի ունեցել ոստիկանների և գյումրեցի հայտնի ֆայտոնչի Սամվելի միջև: Վեճի պատճառը եղել է այն, որ ոստիկաններից մեկը փորձել է ոչ սթափ վիճակում ֆայտոն նստել, որից հետո տեղի է ունեցել ծեծկռտուք: Այս տեղեկությունը ֆայտոնչի Սամվելն Armtimes.com-ի հետ զրույցում հերքեց, բայց միաժամանակ տեղեկացրեց, որ իր ոտքն է կոտրվել՝ ընկնելու պատճառով: Գյումրիում խոսվում է, որ դեպքն իսկապես եղել է:

 

«Ոտքս է ջարդվել, բայց չեն ծեծել, ընկել եմ, հի­մա լավ եմ»,-Armtimes.com-ի հետ զրույցում կաշկանդված պատասխանեց Սամվելը: Տեղեկացանք, որ նախորդ երկու օրերին Գյումրիի ԲԿ ոտքի վնասվածքով քաղաքացի չի դիմել: Ոստիկանությունից դեպքի առնչությամբ Armtimes.com-ին փոխանցեցին. «Ոստիկանության պետ, ոստիկանության գեներալ -գնդապետ Վլադիմիր Գասպարյանի հանձնարարությամբ Ներքին անվտանգության վարչու­թյունում ծառայողական քննություն է սկսվել, բացի այդ, ոստիկանության պետի հրամանով ոստիկա­նության մեկ ծառայող ազատվել է զբաղեցրած պաշտոնից և ուղարկվել կադրերի ոեզերվ»,-ասաց Աշոտ Ահարոնյանը՝ չցանկանալով նշել ոստիկանի պաշտոնը և անունը»,-գրում է թերթը:

 

Նյութն ամբողջությամբ կարդացեք թերթի այսօրվա համարում: