Թուրքական Anadolu լրատվական գործակալության փոխանցմամբ՝ ԵՄ-ն ու Թուրքիան այսօր բանակցային նոր գլուխ են բացել՝ կապված ԵՄ-ին Թուրքիայի անդամակցության հետ:
Այդ մասին ԵՄ-Թուրքիա միջկառավարական կոնֆերանսի արդյունքներով հայտարարել է Նիդերլանդների արտգործնախարար Բերտ Կունդերսը:
Նրա խոսքով՝ դա բանակցային գործընթացի ընթացքում բացված 16-րդ բանակցային գլուխն է, և որ ԵՄ անդամ բոլոր երկրներն էլ համաձայն են դրան: Խոսքը «Ֆինանսներ և բյուջե» 33-րդ բանակցային գլխի մասին է:
Միջոցառմանը ներկա են եղել Թուրքիայի արտգործնախարար Մևլյութ Չավուշօղլուն, Եվրամիության հարցերով նախարար և գլխավոր բանագնաց Օմեր Չելիքը և ֆինանսների նախարար Նաջի Աղբալը: Հանդիպման մասնակիցները հարգել են Ստամբուլի օդանավակայանում կատարված ահաբեկչության զոհերի հիշատակը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
