Ինչպես գրում է Asbarez-ը, աճուրդը նվիրված էր Մեծ Բրիտանիայի նախկին վարչապետ Ուինսթոն Չերչիլի մահվան 50-րդ տարելիցին: Աճուրդի ընթացքում վաճառքի են հանվել ալկոհոլի, սիգարների, հագուստի և կենցաղային այլ իրերի Չերչիլի նախընտրած ապրանքատեսակները: Աճուրդը կազմակերպել էր Մոնակոյի արքայազն Ալբեր Երկրորդը, մասնակցել են նաև Մեծ Բրիտանիայում Մոնակոյի դեսպան Էվելին Գենթան, Մեծ Բրիտանիայում ՀՀ դեսպան Արմեն Սարգսյանը, Սաուդյան Արաբիայի արքայազն Ալ Վալիդը: Աճուրդից ստացված հասույթը փոխանցվել է արքայազն Ալբերի կլիմայի փոփոխությունների, անապատացման դեմ պայքարի և կենսաբազմազանության հիմնադրամին: Ուինսթոն Չերչիլը հայկական կոնյակի մեծ սիրահար էր, որն, ըստ որոշ տեղեկությունների, առաջին անգամ այն փորձել է 1943 թ. Յալթային կոնֆերանսում: Աճուրդում վաճառված կոնյակը Երևանի կոնյակի գործարանի բացառիկ հավաքածուից է, աճուրդին այն տրամադրել էր դեսպան Արմեն Սարգսյանը:
Նյութի աղբյուր՝ https://www.facebook.com/ani.aslanyan.315?fref=nf
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել