Երկրաշարժեր Թուրքիայում

168.am-ը գրում է․

Թուրքիայի Չանքըրը շրջանում իրար հաջորդող երկու երկրաշարժ է տեղի ունեցել:

Այս մասին հայտնում է թուրքական «Դիքեն» լրատվամիջոցը:

Թուրքիայի ներքին գործերի նախարարության արտակարգ իրավիճակների ղեկավարման կենտրոնից տեղեկացնում են, որ առաջին երկրաշարժը տեղի է ունեցել տեղական ժամանակով 09:00-ին 4.7 մագնիտուդ ուժգնությամբ:

4.9 մագնիտուդ ուժգնությամբ երկրորդ երկրաշարժը տեղի է ունեցել երեք րոպե անց:

Երկրաշարժերի հետևանքով տուժածներ չկան: Ցնցումները զգացվել են նաև մայրաքաղաք Անկարայում: