Tert.am Life-ը գրում է.
«Պատվից առավել» հեռուստասերիալի առաջին եթերաշրջանը շուտով ավարտվելու է: Վերջին նկարահանումներն արդեն կայացել են: Նախագծի ավարտը ստեղծագործական թիմը նշել է հենց նկարահանման վայրում՝ Կարապի լճում շամպայն խմելով: Tert.am Life-ը ներկա է եղել վերջին սերիայի նկարահանուներին և ներկայացնում է ինչպես մանրամասներն ու ֆոտոշարքը, այնպես էլ վերջին եթերի օրը, այն է՝ հուլիսի 19:
Պրոդյուսեր Ելենա Արշակյանը խոստանում է, որ դադարը երկար չի լինելու: Շուտով կրկին եթերում կլինեն: Հեռուստասերիալն առաջին եթերաշրջանով ավարտելու և երկրորդ եթերաշրջանով վերսկսելու որոշումը, Ելենայի խոսքով, ի սկզբանե են ունեցել:
«Մենք ի սկզբանե որոշել էինք ամռանն ունենալ փոքրիկ դադար, ապա եթեր վերադառնալ գերլարված զարգացումներով: Վերջին շրջանում շատ է քննարկվում նաև որոշ դերասանների կերպարային գծերի ավարտը: Ուզում եմ կրկին շեշտել, որ դա ևս նախապես որոշված էր, դերասաններն այդ մասին գիտեին նախագիծ մուտք գործելու պահից: Անխտիր բոլոր դերասանների հետ ունենք լավ հարաբերութուններ, կոնֆլիկտի պատճառով կերպարային գիծ փակելու մասին խոսք լինել չի կարող»,- ասաց պրոդյուսերը:
Ամբողջական հոդվածը կարող եք կարդալ այստեղ
