Ասում են՝ երբ մարդը ցանկանում է դիետա պահել, նրա մոտ ուտելու ցանկությունն ավելի է մեծանում, քանի որ նրա գլխում անընդհատ պտտվում են այն մտքերը, թե ինչ կարող է ուտել, ինչ՝ ոչ։ Հենց այդ պատճառով էլ այսօր առաջարկում ենք ձեզ մի քանի ուտելիք, որոնք առանց մտածելու կարող եք ուտել այնքան, որքան ցանկանում եք։
Ճիշտ է, չկա որևէ սննդամթերք, որը զրո կալորիա ունենա, բայց այս ցանկում ներառվածների կալորիականությունն այնքան փոքր է, որ դրանք չարաշահելը գրեթե անհնար է։ Բացի այդ՝ նշված ուտելիքները բացառապես առողջ սննդամթերք են՝ առանց ավելորդ ճարպերի և հավելումների։
Եթե ձեր նախաճաշի, ճաշի և ընթրիքի մեջ գերակշռեն հետևյալները, ապա վստահ եղեք, որ քիչ-քիչ կազատվեք ձեր ավելորդ քաշից։ Իսկ ճաշերի արանքում ընկած ժամանակահատվածում չիփս, կրեկերներ կամ նմանատիպ այլ խորտիկների փոխարեն կերեք նշված ուտելիքներից, ընդ որում՝ թարմ կամ շոգեխաշած վիճակում։
Նեխուր
Լոլիկ
Վարունգ
Կանտալուպ տեսակի սեխ
Ծաղկակաղամբ
Թուրինջ
Հազար
Բրոկոլի
Ելակ