Առաջին ալիքի 'Գտնված երազ' հաղորդաշարի հյուրն այսօր հեռուստահաղորդավարուհի, մասնագիտությամբ տնտեսագետ, Հայաստանի թենիսի ֆեդերացիայի մամլո խոսնակ, 'Սիրուշո' պրոդյուսերական կենտրոնի տնօրեն Արևիկ Ուդումյանն էր:
Հաղորդման ընթացքում հայտնի դարձավ, որ Արևիկի մանկությունը անցել է Աֆրիկայում,մասնավորապես` նա հաճախել է Մոզամբիկի ԽՍՀՄ դպրոցը, քանի որ հայրիկի աշխատանքի պատճառով այդ տարիներին ընտանիքով գտնվում էին այնտեղ :
Խոսելով իր անձնական կյանքի մասին` Արևիկը նշեց, որ այս պահին ամեն ինչ ավելի հանգիստ է, ինչը մեկնաբանում է աշխատանքային խիստ զբաղվածությամբ: Սակայն, ահնրաժեշտության դեպքում պատրաստ է հանուն անձնական կյանքի ինչ-որ չափով հրաժարվել կարիերայից:
Հաղորդման ընթացքում պատրաստվել էին բլից հարցեր, որոնց պատասխանների ճշտությունը ստեղծագործական խումբը նախապես ճշտել էր Արևիկի մտերիմ ընկերուհիներից: Այն հարցին, թե ով է եղել նրա առաջին սերը, Արևիկը կես կատակ կես լուրջ հիշեց, որ իր առաջին սեր կարող է համարելՄոզամբիկում իրենց մանկապարտեզի Նիկիտային, իսկ դրանից ավելի ուշ հրապուրված է եղել Иванушки international խմբի Անդրեյով:
Հաղորդմանը հյորընկալվել էր նաև նրա քույրը` Էլենը, ում խոսքով Արևիկը սիրում է գեղեցիկ արտաքինով տղաների: Այս պահին Արևիկի համար իդեալական տղամարդու կերպար են հանդիսանում դերասաններ Ջուդ Լոուն և Բրեդլի Քուփերը, իսկ առանձնացնելով իր ամենասիրած երևույթները, Արևիկը նշեց քրոջ բալիկին` Մաքսին, ամառը, ճանապարհորդելը, մոխիտոն, սուշին, լավ երաժշտությունը և հետաքրքիր մարդկանց:
Լուսանկարները` Արևիկ Ուդումյանի ֆեյսբուքյան էջից:
