38209131in.am-ը գրում է.

Եգիպտոսի նախկին նախագահ Հոսնի Մուբարաքի՝ 2011թ. հեղափոխական իրադարձությունների ժամանակ ցուցարարների մահվան գործով դատավճիռը կհրապարակվի սեպտեմբերի 27-ին: Այս մասին հայտարարվել է Կահիրեի քրեական դատարանի նիստի ժամանակ՝ հայտնում է ITAR-TASS-ը:

Մոտ կես տարի դատավորներն ուսումնասիրում են քրեական գործի մանրամասները: Դատական այս նիստի ժամանակ առաջին անգամ գլխավոր մեղադրյալն ինքնուրույն՝ առանց փաստաբանի օգնության ելույթ է ունեցել դատարանում և ասել, որ ցուցարարների վրա կրակ արձակելու հրաման չի տվել:

86-ամյա Մուբարաքը մեղադրվում է հարյուրավոր ցուցարարների սպանության կազմակերպման համար: Նույնպիսի մեղադրանքներ են առաջադրվել նրա երկու որդիներին և ՆԳՆ նախկին ղեկավարին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել