«Բավարիա»-ն հետաքրքրվում է Կոկեի ծառայություններով

1in.am-ը գրում է.

Մյունխենի «Բավարիա»-ն ցանկանում է ձեռք բերել Մադրիդի «Ատլետիկո»-ի կիսապաշտպան Կոկեի տրանսֆերը, հաղորդում է La Gazzetta dello Sport-ը: Վերջինիս տեղեկությունների համաձայն` իսպանացի ֆուտբոլիստի ծառայություններով հետաքրքրվում է նաև «Ռոմա»-ն: 

Գերմանական և իտալական այս ակումբները պատրաստ են Կոկեի տրանսֆերի դիմաց վճարել 25 մլն եվրո: Առայժմ հայտնի չէ, թե իր ֆուտբոլիստի շուրջ ստեղծված իրավիճակին ինչպիսի արձագանք է տվել «Ատլետիկո»-ի ղեկավարությունը: 

Կոկեն Իսպանիայի Լա Լիգայի ընթացիկ առաջնությունում մասնակցել է 31 հանդիպման` դառնալով 6 գոլի և 14 գոլային փոխանցման հեղինակ: