1in.am-ը գրում է.

Google ընկերությունն առաջին անգամ որոշել է Google Glass «խելացի» ակնոցներն ազատ վաճառքի հանել: Ապրիլի 15-ին ԱՄՆ-ում բոլոր ցանկացողները կկարողանան գնել այն Google-ի մասնագիտացված կայքում՝ ասվում է ընկերության հաղորդագրությունում:

Ակնոցի տեսքով՝ մարմնին կրվող համակարգչի կոնցեպտը Google-ը ներկայացրել էր դեռևս 2012-ի ապրիլին: Մեկ տարուց ավելի Google Glass-ի փորձնական տարբերակները հասանելի էին միայն 10 հազար մշակողներին, որոնք դրանք ստացել են անմիջապես ընկերությունից:

Առանց հարկերը հաշվի առնելու՝ այն կարժենա 1500 դոլար:

Հետագայում ակնոցները հասանելի կլինեն տարբեր շրջանակներով ու գույներով:

ԱՄՆ սահմաններից դուրս սարքի ազատ վաճառքի ժամկետները չեն հստակեցվում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել