Եթե հանկարծ խոշշոր գումար շահեիք վիճակախաղում, ի՞նչ կգնեիք ձեր միլիոնավոր դոլարներով: Եթե դեռևս չգիտեք, թե ինչի վրա կարելի էր ծախսել ձեր ողջ գումարը, ապա ուշադիր կարդացեք այս հոդվածը: Այստեղ դուք հաստատ կձեզ հետաքրքրող ինչ-որ բան կգտնեք: Աչքի անցյկացրեք այս տասը ամենաթանկարժեք իրերի ցուցակը: Ով գիտի, գուցե մի օր դուք ևս կարողանաք ձեզ նման թանկ հաճույքներ թույլ տալ:
10 Աշխարհի ամենաթանկ տոնածառը
24 կարատանի ոսկուց պատրաստված այս ծառը համարվում է աշխարհի ամենաթանկ տոնածառը: Այն կարելի է ձեռք բերել 2 միլիոն դոլարով: Այն առատորեն զարդարված է ակնեղենով, այդ թվում`ադամանդներով և մարգարիտների շարանով, որ կշռում է ավելի քան 21 կգ: Տոնածառն առաջին անգամ ցուցադրվել է Օսակայի Շինսայբաշի քաղաքի «Գինզա Թանակա» զարդեղենի խանութում` առանձնահատուկ շքեղություն հաղորդելով խանութին և փոխանցելով պայծառ տրամադրություն այցելուներին: Ամանորն իրոք որ ամենուրախ տոներից է:
9 «Հարի Վինսթոն» սուտակե մաշիկներ
Երեխա ժամանակ երևի դուք էլ եք երազել «Օզի կախարդը» կինոնկարի հերոսուհու սուտակե մաշիկներից ունենալ: Այս մաշիկներն այլևս երազնաք չեն, քանի որ դուք կարող եք գնել դրանք, եթե իհարկե ունենաք 3 միլիոն ԱՄՆ դոլար: «Հարրի Վինսթոն» մաշիկները վաճառքի հանվեցին 1989 թ.-ին կինոնկարի 50-րդ տարեդարձի կապակցությամբ: Մաշիկները պատված են 4600 սուտակե քարերով և 50 կարատանոց ադամանդներով: Մինչ օրս սրանք աշխարհի ամենաթանկարժեք կոշիկներն են:
8 «Atlas F» հրթիռային բազա
Այս յուրօրինակ փայլուն գաղափարը առաջին անգամ ծագել է անշարժ գույքի նախագծմամբ զբաղվող Գրեբորի Գիբոնի և Բրյուս Ֆրանցիսկոյի մտքում սեպտեմբերի 11-ի ահաբեկչական հարձակումից հետո: Ինչպե՞ս է այն պատրաստված: Նրանք գնեցին մի հին միջուկային բունկեր ԱՄՆ-ի օդուժից և այն վերածեցին շքեղ տան, որն ուներ և՛ ստորգետնյա, և՛ վերգետնյա հարկեր: Թեպետ իբրև նախնական գին նշանակված էր 18 մլն. դոլար, այն eBay-ից գնվեց 2.1 մլն. դոլարով: Ինչ խոսք, արժե այդքան գումար վճարել այս հրաշքի դիմաց:
7 «Bugatti Veyron Diamond Ltd»
Կարո՞ղ եք պատկերացնել, որ մեքենայի այս նմուշն ավելի թանկ է քան իրական մեքենան: Այս «Bugatti Veyron Diamond Ltd»-ն վաճառվում է 4 մլն. դոլարով, այսինքն` երկու անգամ ավելի թանկ, քան իրական մեքենան: Այն նախագծվել է հայտնի դիզայներ Ստյուարտ Հյուի և Ռոբերտ Գալպերի կողմից: Նրանցից ամբողջ 2 ամիս պահանջվեց մեքենայի վրա տարվող աշխատանքներն ավարտին հասցնելու համար: Այս իրը կշռում է մոտ 7 կգ: Այն պատրաստվել է 24 կարատանոց ոսկուց և 2.2 կարատանոց ադամանդներից, որոնցով պատված է մեքենայի առջևի մասը: Ղեկային կառավարման համակարգը միանգամայն ֆունկցիոնալ է:
6 Ռութի շապիկ
Եթե դուք Յանկերիի երկրպագուներից եք, ապա դուք հազիվ թե զարմանաք, որ ձեր սիրելի աստղին պատկանող այս իրը աճուրդի է հանվել 4.4 մլն. դոլարով: Հենց սա է Բամբինոյի 1920 թ.-ի շապիկի գինը, որը վերջերս վաճառվեց աճուրդի ընթացքում: Դրա վրա գրված է «Նյու Յորք»:
5 «iPhone 4s Elite Gold Elite Gold»
iPhone-ն ինքնին թանկ է այլ սմարթֆոների համեմատ: Սակայն եթե դուք չափից շատ հարուստ եք, սովորական iPhone-ը դեռ բավական չէ: Ձեզ հարկավոր է «iPhone 4s Elite Gold», որի դիզայները Ստյուարտ Հյուն է, և որն արժե 9.4 մլն. դոլար: Այն պատված է 24 կարատանով ոսկով, պլատինով (լուսնոսկով), կողքի մասում կան 100 կարատանոց 500 ադամանդներ և իսկական Տիրանոզավր Ռեքսի ոսկոր (այո, դուք դինոզավրի ոսկոր կարող եք ունենալ ձեր հեռախոսի վրա): «Apple» - ի լոգոն ևս պատված է ադամանդներով: Պարզապես ցնցող հեռախոս է:
4 «Մարսի վարդագույն ադամանդը»
Մենք բոլորս էլ գիտենք, որ ադամանդները աշխարհի ամենաթանկարժեք իրերից են, սակայն վարդագույն ադամանդը հազվագյուտ բան է: Հյատնի իբրև «Մարսի վարդագույն ադամանդ»` զարդը վաճառվել է 17.4 մլն. դոլարով Հոնգ Կոնգում աճուրդի ժամանակ: Նախքան աճուրդում վաճառվելը այս ադամանդի սեփականատերը Հարի Վինսթոնն էր: Նա է ձուլել այս ադամանդը ի հիշատակ այն բանի, որ 1976 թ.-ին Մարս մոլորակ ռոբոտ ուղարկվեց:
3 Պաբլո Պիկասոյի «Մերկ կանաչ տերևներն ու կուրծքը»
Աշխարհի ամենաթանկարժեք իրերի թվին է դասվում Պաբլո Պիկասոյի այս գլուխգործոցը, որը աճուրդի ժամանակ վաճառվեց 106.5 մլն. դոլարով: Այս նկարն ստեղծվել է 1932 թ.-ին: Նրանում պատկերված է Պաբլո Պիկասոյի սիրած կինը` Մարի-Թերեզ Ուոլթերը: Բնորդուհին միայն մի անգամ է նստել Պիկասոյի առաջ այս նկարի համար, քանզի Պիկասոն մի օրում ավարտին է հասցրել այն: Զարմանալի չէ, որ Պիկասոյի նկարներն այսքան բարձր գնով են վաճառվում: Այսպես, 2004 թ.-ին նրա «Ծխամուրճով տղան» նկարը վաճառվեց 104 մլն. դոլարով:
2 «Giga» զբոսանավ
Սա համարվում է eBay-ում վաճառված ամենաթանկարժեք իրը: «Giga» զբոսանավը վաճառվեց 2005 թ.-ին 140 մլն. դոլարով: Այս շքեղ զբոսանավում կան հյուրերի համար նախատեսված 8 նավախուց, սրահ, կինոդիտման սրահ, մարզասրահ, աշխատասենյակ և ուղղաթիռի ավտոտնակ: Այնուամենայնիվ, այս շքեղ զբոսանավի սեփականատերը որոշեց չհրապարակել իր ինքնությունը:
1 Միջազգային տիեզերական կայան
Այս ցուցակի առաջին հորիզոնականը զբաղեցում է Միջազգային տիեզերական կայանը, որը նախագծի ավարտին կարժենա 157 միլիարդ դոլար: Միացյալ Նահանգների, Ճապոնիայի, Ռուսաստանի, Կանդայի և Եվրոպական տիեզերական գործակալության միացյալ ջանքերի շնորհիվ է կյանքի կոչվում այս նախագիծը: Նրա մասին առաջին անգամ հայտարարեցին 1993 թ.-ին: Ակնկալվում էր, որ նրա վրա տարվող աշխատանքներն ավարտին կհասցվեին 2010 թ.-ին: Երբ այն ավարտուն վիճակի բերվի, այն «կհյուրընկալի» առնվազն վեց հոգուց բաղկացած անձնակազմ, և նրա չափերը տեսանելի կլինեն մերկ աչքով, եթե միայն նրան նայեք ճիշտ տեղից:
