1in.am-ը գրում է.
Բրիտանուհի Լամենդա Կինգդոնի կողմից նախապես պատվիրված ավիատոմսում եղած վրիպակի պատճառով նրան ուղարկել են Կարիբյան կղզիներ՝ Իսպանիայի փոխարեն: Այս մասին գրում է The Daily Mail-ը:
British Airways ինքնաթիռում 62-ամյա ուղևորուհին իր կողքը նստած կնոջն ասել է, թե որքան անհամբերությամբ է սպասում իր իսպանական ուղևորությանը: «Բայց ոչ այս ինքնաթիռով»,- պատասխանել է կինը նրան:
Պարզվել է, որ տոմսի պատվերն ընդունելիս տեղի էր ունեցել սխալ՝ Իսպանիայի Գրանադա քաղաքի փոխարեն նշվել էր Կարիբյան Գրենադա կղզին:
Սենտ Լյուսիա կղզում նախատեսված կանգառում կնոջը նստեցրել են Լոնդոն ուղևորվող հետադարձ ինքնաթիռ, որտեղ բրիտանուհուն դիմավորել են ավիաընկերության ներկայացուցիչները:
Կինը հաջորդ օրը թռչել է Մալագա, որտեղ տեղակայված է Գրանադային մոտ օդանավակայանը: