1in.am-ը գրում է.
ՆԱՏՕ-ն անհանգստացած է սիրիական ընդդիմության ծայրահեղականացումից և ծայրահեղականների՝ Եվրոպա ժամանելու հնարավորությունից: Ինչպես հաղորդում է RIA Novosti-ն, այս մասին հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը Բրյուսելում:
«Դա հատկապես վերաբերում է երիտասարդությանը, որը Սիրիայում մասնակցում է մարտական գործողություններին ընդդիմության կողմից և կարող է վերադառնալ եվրոպական երկրներ: Նրանցից ոմանք այժմ ունեն ծայրահեղական հայացքներ. դա չի կարող չանհանգստացնել մեզ: Մենք ուշադիր հետևում ենք իրավիճակին»,- ասել է նա:
Ռասմուսենն ընդգծել է, որ վերջին ժամանակներս Սիրիայի ընդդիմությանը սկսել են անդամակցել ծայրահեղական կազմակերպությունները, և դա ընդգծում է երկրում իրավիճակի քաղաքական լուծման անհրաժեշտությունը, քանի որ այս հակամարտության ռազմական լուծում գոյություն չունի:
Ռասմուսենը ողջունել է Սիրիայի հարցով համաժողով կազմակերպելու ռուս-ամերիկյան նախաձեռնությունը: