Լուսանկարիչ Ջիմմի Նելսոնը տարված է ճամփորդությունենրով, ինչպես ուրիշ ոչ ոք:
Իր ճամփորդությունների ընթացքում նա փնտրում ու գտնում է հնարավորինս շատ հասարակությունից առանձնացած քաղաքակրթություններ ու փաստագրում նրանց մշակույթն ու սովորությունները լուսանկարչության միջոցով: Նելսոնը փորձում է ֆիկսել ժամանակակից աշխարհում պահպանված այս մշակույթների գեղեցկությունն ու առանձնահատկությունը:
3 տարիների ընթացքում հազարավոր մղոններ անցնելով` լուսանկարչին հաջողվել է 30 եզակի ու բացառիկ ցեղերի փաստագրել: Նա եղել է Եթովպիայում, Պապուա Նոր Գվինեայում, Քոնյայում, Տանզանիայում, Նոր Զելանդիայում, Մոնղոլիայում, Սիբիրում, Նեպալում, Չինաստանում, Նամիբիայում, Էկվադորում, Չուկոտկայում, Հնդկաստանում , Ինդոնեզիայում, Վանուատույում, Արգենտինայում:
Նա ասել է, թե իր այս նախագծով երբեք չի ցանկացել աշխարհը փոխել, այլ ուղղակի ցանկացել է վիզուալ փաստագրել մշակույթները` մեզ ու հետագա սերունդներին հիշեցնելու համար, թե որքան գեղեցիկ է մի ժամանակ եղել մարդկային աշխարհը:
Այս հոդվածում առանձնացված են նրա հարյուրավոր լուսանկարներից միայն մի քանիսը, սակայն նրա լավագույն 500 լուսանկարները տեղ են գտել XXL չափի «Մինչև նրանք կանհետանան» խորագրով գրքում: Գիրքը հնարավոր է գնել առցանց:
Ստորև կարող եք դիտել նրա բացառիկ լուսանկարները:
