1in.am-ը գրում է.

Երկուշաբթի տեղի է ունեցել ԵԱՀԿ-ի և Եվրամիության անդամ երկրների արտգործնախարարների հանդիպումը՝ ԵԱՀԿ գործող նախագահ, Ուկրաինայի արտգործնախարար Լեոնիդ Կոժարայի և Լիտվայի արտգործնախարար Լինաս Լինկյավիչուսի նախագահությամբ: Այս մասին հաղորդում է Trend գործակալությունը՝ վկայակոչելով ԵԱՀԿ-ի մամլո ծառայությունը:

Կողմերը քննարկել են ԵԱՀԿ տարածությունում անվտանգության ոլորտում ստեղծված իրավիճակը՝ առանձնակի ուշադրություն դարձնելով տարածաշրջանի հակամարտություններին:

Հանդիպման մասնակիցներն իրենց աջակցությունն են հայտնել ԵԱՀԿ Մինսկի խմբի համանախագահների՝ Լեռնային Ղարաբաղի հակամարտությունը խաղաղ ճանապարհով լուծելու և Հայաստանի ու Ադրբեջանի միջև երկխոսությանը նպաստելու ձգտմանը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել