1in.am-ը գրում է.

Տղամարդը, ով ծրագրել էր դառնալ «Ալ-Քաիդա» ահաբեկչական ցանցի անդամ, Նյու Յորքում ձերբակալվել է: Այս մասին հայտնել է մեգապոլիսի արևելյան շրջանի դատախազ Լորետա Լինչը: 

Ձերբակալվածը ԱՄՆ 25-ամյա քաղաքացի Մարկոս Ալոնսո Զիան է: Նա մեղադրվում է ԱՄՆ-ի սահմաններից դուրս մարդկանց սպանության և ահաբեկչական կազմակերպությանն օգնություն ցուցաբերելու փորձի նպատակով դավադրության մեջ:

Ինչպես հաստատում է դատախազության ներկայացուցիչը, տղամարդը ծրագրել էր Եմեն ուղևորվել՝ «Ալ-Քաիդայի» շարքերն անցնելու նպատակով՝ փոխանցում է ITAR-TASS-ը:

Լինչը նաև հայտնել է, որ դատախազությունը մի շարք ապացույցներ ունի: Ձերբակալվածն անձամբ իր մեղքը չի ճանաչել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել