Ֆեյսբուքն ալեկոծվում է, հերթական հանրային քննարկման թեման կարծես իդեալական լինի,որովհետև իր մեջ ունի միանգամից մի քանի «tag»-եր, որոնք հավերժ ակտուալ են՝ աղջիկ կպցնել, ոստիկան, քֆրտոց, սեքս...Լավ, մի պահ եկեք կտրվենք, որ Մովսիսյանը ոստիկան է, իսկ Ստյոպայի մոտ կանացի հորմոնների տոքսիկոզի նախանշաններ են ու սթափ հասկանանք, թե ինչ կարգի երևույթի հետ գործ ունենք:
Բավականին երիտասարդ ու ըստ երևույթին առողջ տղամարդը չաթով աղջիկ է խոսացրել (մի բան, որ անում է հայ տղամարդ օգտատերերի կեսից շատը առնվազն), աղջիկը ցույց է տվել, որ «կպել է» ու մեղմիկ սադրանքներով ավելի է բացել Մովսիսյանի ախորժակը՝ զրույսը ավելի ինտիմ դարձնելով: Վերջում էլ, Մովսիսյանը հետևություններ անելով, որ գործ ունի ման եկողի հետ, բռնել հայհոյախառն ճամփել է սրան:
Գովերգելու բան կա՞ այստեղ: Ամենևին: Համենայն դեպս, ես կանխակալ մոտեցում ունեմ ինտերնետով աղջիկ խոսեցնելու ու առավել ևս ինտիմ թեմաներով խոսելու նկատմամբ: Առավել ևս ոչ խոհեմ եմ համարում այն, որ Մովսիսյանը հաշվի չի առել, որ շատ հանգիստ կարող է գործ ունենալ ֆեյքի հետ, որը իր դեմ սադրանք է կազմակերպում: Անգամ եթե ֆեյք էլ չէր, այլ իրական կերպար էր, չեմ կարծում, որ կարելի է հայհոյել կնոջը, անգամ թեթև բարքի տեր կնոջը: Այսինքն, Մովսիսյանի արածի մեջ ոչ մի հերոսական դրվագ չեմ տեսնում, բայց դա Մովսիսյանի գործն է ու չեմ էլ պատրաստվում նոտացիաներ կարդալ ու դաստիարակչական ճառեր ասել:
Հանցագործության տարր կա՞ Մովսիսյանի արածի մեջ: Չեմ կարծում, համենայն դեպս, որքանով ես տեղյակ եմ, մեր օրենսդրությամբ նախատեսված չէ պատիժ չաթով աղջիկ կպցնելու, սեքսի վերաբերյալ թեմաներից խոսելու (եթե աղջիկը անչափահաս չէ ու նրա զրուցակիցը գիտի դրա մասին): Չկա նաև որևէ կերպ ոստիկաններին չաթից օգտվելը սահմանափակող օրենք՝ ծառայությունից դուրս գտնվելու ժամանակ:
Այսինքն, այս ամենը զուտ փոթորիկ է մի բաժակ ջրում, որը անընդհատ փորձում է թեժ պահել Սաֆարյանը, որի արարքի մեջ իրոք դատապարտելի բան կա, եթե ոչ օրենսդրորեն, ապա զուտ էթիկետի ու տղամարդկություն ասվածի համատեքստում: Դե մեկ էլ ակտիվ են ֆեյսբուքյան վայ-ընդդիմադիրները, որոնց պայքարը վաղուց արդեն վեր է ածվել ինքնանպատակ ու անիմաստ փնփնթոցի ու նման էժանագին քայլերից հրճվանք ստանալու:
