Tert.am-ը գրում է.
Ավստրալացի բուժքույր Բրոնի Վերը մի քանի տարի շարունակ աշխատանքի բերումով հոգ է տարել հիվանդների մասին՝ նրանց կյանքի վերջին 12 շաբաթներին: Եվ գրի է առել մահվան մահճում նրանց խոհերը՝ ինչի համար են զղջում մահից առաջ: Եվ դա ամենևին էլ քիչ սեքսը կամ այդպես էլ ցատկաճոպանով չցատկելը չի եղել:
Inosmi.ru-ի փոխանցմամբ՝ հատկապես տղամարդիկ զղջում են կյանքում շատ աշխատելու համար: Իսկ մնացած զղջումները կարելի է բաժանել կատեգորիաների՝ բուժքրոջ դիտարկումներով:
Ըստ այդմ՝
1. Ափսոս, որ քաջությունս չհերիքեց՝ ինքս ինձ հավատարիմ մնալ, և չապրել այնպես, ինչպես ինձնից ակնկալում էին ուրիշները:
«Մարդկանց մեծ մասը կյանքի ընթացքում չի կարողացել իրականացնել իր մտահղացումների գոնե կեսը, և միայն մահվան մահճում է հասկացել, որ դա իրենց իսկ ընտրության արդյունքն է: Առողջությունն այնպիսի ազատություն է տալիս, որի մասին քչերն են մտածում մինչ այն պահը, երբ հանկարծ առողջությունը կորչում է»:
2. Ափսոս, որ չափազանց շատ եմ աշխատել:
«Ես սա լսել եմ գրեթե բոլոր տղամարդկանցից, որոնց մասին հոգ էի տանում: Նրանք զղջում էին, որ բաց են թողել իրենց երեխաների երիտասարդությունը և ոչ բավարար ժամանակ հատկացրել իրենց կանանց: Նրանք իսկապես զղջում էին, որ իրենց կյանքի մեծ մասն անց են կացրել աշխատելով»:
3. Ափսոս, որ քաջությունս չհերիքեց բացեիբաց արտահայտել զգացմունքներս:
«Շատ մարդիկ ճնշել են իրենց զգացմունքները, որպեսզի անդորր պահպանեն շրջապատի հետ հարաբերություններում: Նրանցից շատերը դրա հետևանքով հիվանդություններ են ձեռք բերել»։
Ամբողջական հոդվածը կարող եք կարդալ այստեղ