Այսօր՝ հունիսի 25-ին, ավտովթար է տեղի ունեցել Լոռու մարզում։ Ժամը 13։40-ի սահմաններում Վանաձոր-Սպիտակ ավտոճանապարհին բախվել են 45-ամյա Գեղամ Ղ․-ի վարած «Mercedes» մակնիշի և 30-ամյա Էդմոն Կ․-ի վարած «Volkswagen» մակնիշի ավտոմեքենաները։

Shamshyan.com-ի հաղորդմամբ՝ վթարի հետևանքով վարորդներից Էդմոն Կ․-ն տեղափոխվել է հիվանդանոց, իսկ Գեղամ Ղ․-ին և ուղևոր, 42-ամյա Անահիտ Գ․-ին օպերատիվորեն ժամանած շտապօգնության բժիշկների հերթապահ խումբը տեղում առաջին բուժօգնություն է ցուցաբերել։

Վթարի փաստով քննչական վարչությունում նախաձեռնվել է քրեական վարույթ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել