1in.am-ը գրում է.

Ճապոնիայի Ֆուկուոկա քաղաքում օրթոպեդիկ հիվանդանոցում բռնկված հրդեհի հետևանքով զոհվել է 10 մարդ, ևս 8-ը ստացել են տարբեր աստիճանի մարմնական վնասվածքներ և այրվածքներ՝ հաղորդում է NHK հեռուստաալիքը:

Հրդեհը բռնկվել է ուշ գիշերը: Այդ պահին հիվանդանոցում եղել է 18 մարդ: Հրդեհը հանգցրել են 1.5 ժամ հետո, սակայն ութ հիվանդի և հիվանդանոցի երկու աշխատակցի կյանքը չի հաջողվել փրկել:

Հեռուստաալիքի փոխանցմամբ՝ գարնանը հակահրդեհային անվտանգության ստուգման ժամանակ բացահայտվել են մի շարք թերություններ: Ներկայում ոստիկանները պարզում են հրդեհի պատճառները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել