1in.am-ը գրում է.
Լոս Անջելեսում վիրաբույժներն առաջին անգամ արտասովոր և բարդ վիրահատություն են իրականացրել մոր արգանդում փոքրիկ պտղի վրա այն բանից հետո, երբ մարզվել են խաղողի և դոնդողի վրա:
Մարդու մազի հաստությամբ լար, փոքրիկ ասեղ, փոքրիկ փուչիկ և կատետր օգտագործելով՝ բժիշկներին հաջողվել է բարեհաջող վիրահատել ապագա երեխայի սիրտը, որը եղել է ընկույզի չափ:
Դա առաջին նմանատիպ վիրահատությունն էր Լոս Անջելեսի բժշկական կենտրոնում և ըստ տվյալների՝ այն հաջող է ընթացել:
Պտղի սիրտը զարգանում էր մեկ փականով, իսկ դա նշանակում էր, որ սրտին բավարար քանակությամբ արյուն չէր մատակարարվում: Եթե վիրահատություն չիրականացվեր, ապա ծնվելուց հետո նման հիվանդությամբ երեխան դժվար ողջ մնար:
Վիրահատության ժամանակ մայրը տեղային ցավազրկման էր ենթակվել: Բացի այդ, մկանային հանգստացնող դեղ է ներարկվել նաև պտղին, որպեսզի վիրահատության ընթացքում նվազեցվի նրա շարժունակությունը: