Samsung ընկերությունը պաշտոնապես ներկայացրեց աշխարհի առաջին ճկված էկրանով սմարթֆոնը: Այս նոր սարքը ստացել է Galaxy Round անվանումը: Արտաքնապես սմարթֆոնը հիշեցնում է Galaxy S3 և Galaxy S4 սմարֆոնների մեջտեղում ընկած ինչ-որ մոդել: Հեռախոսի էկրանը ճկված է ուղղահայաց առանցքի շուրջ: Ըստ Samsung-ի, ճկված էկրանի առավելությունները կարելի է տեսնել հավելվածներում, ինչպես նաև դրանով հնարավոր է ղեկավարել երգերի նվագարկումը (փոխել հաջորդ/նախորդ երգը՝ էկրանի աջ կամ ձախ կողմերը սեղմելով): 


 
Սմարթֆոնի Roll Effect-ը թույլ է տալիս նաև տեղեկանալ բաց թողնված զանգերի, մարտկոցի վիճակի և այլ իրադարձությունների մասին` սեղանին դրված դիրքից թեքելով սմարթֆոնը աջ կամ ձախ:  Տեխնիկական բնութագրերով Samsung Galaxy Round-ը հիշեցնում է վերջերս ներկայացված Galaxy Note 3-ը: Սմարթֆոնն ունի 5.7 Super AMOLED էկրան՝ 1920x1080 պիկսելների թողունակությամբ: Սարքն ունի 4 միջուկանի պրոցեսոր, 3Գբ օպերատիվ հիշողություն, 32 Գբ ներքին հիշողություն, Wi-Fi, Bluetooth, NFC, LTE-A, 13 մեգապիկսելանոց հետևի տեսախցիկ և 2 մեգապիկսելանոց՝ դեմի: Այս նոր մոդելը կվաճառվի կարժենա մոտ 1000$:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել