Լիբիայի վարչապետին առևանգել են անհայտ զինված անձինք

Emedia.am-ը գրում է.

Լիբիայի վարչապետ Ալի Զեյդանին առևանգել են անհայտ զինված անձինք Տրիպոլիի հյուրանոցներից մեկից:

Դեպքի մանրամասները դեռևս անհայտ են, սակայն Corinthia հյուրանոցի անվտանգության աշխատակիցները տեսել են, թե ինչպես են վարչապետին հյուրանոցից դուրս հանել բռնի ուժով, հայտնում է РИА Новости-ն:

Երկրի իշխանությունները դեռևս չեն մեկնաբանել այդ դեպքը:

Միևնույն ժամանակ РИА Новости-ն՝ հղում կատարելով Ալ Ջազիրային հայտնում է, որ Լիբիայի Գլխավոր դատախազությունն է կարգադրել ձերբակալել վարչապետին: Մեղադրանքները կապված են պետական անվտանգության հետ, իսկ ձերբակալությունն իրականացրել է երկրի ներքին գործերի նախարարությունը: