1in.am-ը գրում է.

«Ֆուկուսիմա 1» ԱԷԿ-ում այսօր 6 մարդ է ընկել ռադիոակտիվ ջրի հոսքի տակ, որը պարունակել է ցեզիում ու ստրոնցիում-90: Դա 2011թ. մարտից առաջին նման դեպքն է, հայտնում է կայանի օպերատոր-ընկերությունը: 

Ճշտված տեղեկությունների համաձայն՝ 11 հոգուց բաղկացած բրիգադն իրականացրել է ջրի խողովակաշարերի համակարգի վերանորոգման աշխատանք, որի ընթացքում սխալմամբ անջատել են ոչ այն խողովակը, որն անհրաժեշտ էր, հայտնում է ITAR-TASS-ը:

Դրա հետևանքով ռադիոակտիվ հեղուկը ճնշման տակ թափվել է 6 մարդու վրա, նրանց վիճակը ներկայումս ճշտվում է: 

Ավելի վաղ հաղորդվել է, որ դեպքի հետևանքով համակարգից արտահոսել է 10 տոննա ռադիոակտիվ ջուր: Հեղուկն արտահոսել է մոտ 50 րոպե:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել