1in.am-ը գրում է.

ԱՄՆ-ը շարունակում է կոչ անել Ադրբեջանին ազատ, արդար և թափանցիկ ընտրություններ անցկացնել: Այս մասին հայտնել է ԱՄՆ Պետդեպի մամլո քարտուղարի տեղակալ Մարի Հարֆը՝ փոխանցում է Trend գործակալությունը: 

«ԱՄՆ-ը բոլոր ընտրողներին կոչ է անում խաղաղ մասնակցություն ունենալ Ադրբեջանում ընտրական գործընթացին, դրսևորել զսպվածություն և կանխել ցանկացած կողմից բռնությունը կամ սադրանքը՝ ընտրություններից առաջ, ընտրությունների ընթացքում և հետո»,- ասել է նա:

Վաշինգտոնը Ադրբեջանի իշխանություններին նաև կոչ է արել պաշտպանել քաղաքացիների հիմնարար ազատությունները, ինչպիսին է խոսքի և հավաքների ազատությունը: 

Ադրբեջանում նախագահական ընտրությունները կկայանան հոկտեմբերի 9-ին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել