Ֆրանսիայի, Գերմանիայի և Մեծ Բրիտանիայի առաջնորդները համատեղ բանակցություններ են վարել ԱՄՆ նախագահ Դոնալդ Թրամփի հետ։ Զրույցի հիմնական թեման ԱՄՆ միջնորդական ջանքերն են՝ Ուկրաինայում պատերազմը դադարեցնելու համար։ Rubrik-ի փոխանցմամբ՝ այս մասին հայտնել են Ելիսեյան պալատից։
Աղբյուրի փոխանցմամբ՝ Մակրոնը, Մերցը և Սթարմերը ամերիկացի առաջնորդի հետ քննարկել են խաղաղության գործընթացի վերջին զարգացումները։
«Առաջնորդները քննարկել են Միացյալ Նահանգների կողմից նախաձեռնված միջնորդական վերջին զարգացումները և ողջունել են նրա ջանքերը՝ ուղղված Ուկրաինայում երկարատև խաղաղության հասնելուն և սպանությունների դադարեցմանը», - նշել է աղբյուրը։
Կողմերը համաձայնել են, որ հիմա «կրիտիկական պահ է Ուկրաինայի, նրա ժողովրդի և եվրաատլանտյան տարածաշրջանի ընդհանուր անվտանգության համար»։
Ֆրանսիայի նախագահի աշխատակազմը հավելել է, որ ինտենսիվ աշխատանքները շարունակվում են և կշարունակվեն առաջիկա օրերին։
Ավելի վաղ Ուկրաինայի նախագահ Վլադիմիր Զելենսկին հայտարարել է, որ Ուկրաինան Թրամփի թիմի և եվրոպացի գործընկերների հետ միասին ավարտին է հասցնում 20 կետից բաղկացած փաստաթղթի մշակումը, որը կսահմանի պատերազմի ավարտի կետերը։