Վանաձոր բժշկական կենտրոն է տեղափոխվել 11-ամյա տղայի դի

Հոկտեմբերի 22-ին առեղծվածային ու ողբերգական մահվան դեպք է տեղի ունեցել Լոռու մարզում։ Ժամը 20։50-ի սահմաններում Վանաձոր քաղաքի Իսահակյան փողոցի տներից մեկից մահացած վիճակում շտապօգնության բժիշկների կողմից Վանաձոր բժշկական կենտրոն է տեղափոխվել տղա երեխայի մարմին։

Ինչպես հայտնում է Shamsyan.com-ը, տեղում քրեական և համայնքային ոստիկանները պարզել են, որ երեխան Լոռու մարզի բնակիչ՝ 11-ամյա Ա.-ն է, հիվանդանոց ընդունելիս երեխան արդեն մահացած էր։ Դեպքի փաստով ՀՀ քննչական կոմիտեի Բազումի բաժնի կողմից կազմված փաստաթղթեր են ընդունվել՝ հետագա քրեական վարույթ նախաձեռնելու հարցը քննարկելու համար։