«Ինտերի» հայ կիսապաշտպան Հենրիխ Մխիթարյանը թողարկել է իր «Իմ կյանքը միշտ կենտրոնում է» գիրքը:

Այս հարցում նրան օգնել է բազմաթիվ սպորտային գրքերի իտալացի հեղինակ Ալեսանդրո Ալչիատոն։ Նա օգնել է հրապարակել գրքերն այնպիսի լեգենդների համար, ինչպիսիք են Կառլո Անչելոտին, Անդրեա Պիրլոն, Անդրեյ Շևչենկոն, Ֆաբիո Կանավարոն։

Ալեսանդրո Ալչիատոյի խոսքերը․

«Ինձ համար սա ավելին է, քան գիրքը: Հենրիխին օգնելն ինձ համար մեծ պատիվ էր, քանի որ ծանոթացա շատ լավ, ընկերասեր, կրթված մի մարդու հետ, ով իր մեջ միայն լավն է կրում։ Նա բացեց և պատմեց մի խոր պատմություն՝ իր պատմությունը։ Նրա ներսում իսկապես շատ բան կա, նաև ֆուտբոլից դուրս՝ նրա հայրը, Հայաստանը, որտեղ նա մեծացել է, Արարատը՝ որպես խորհրդանիշ, խորը և սերտ կապ տատիկի հետ և հարգանք բոլորի հանդեպ»։

Գրքի հրատարակումը տեղի կունենա հոկտեմբերի 7-ին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել