Երևան-Սևան ավտոճանապարհին բռնկված խոշոր հրդեհը մարվել է

Այսօր՝ սեպտեմբերի 1-ին, խոշոր հրդեհ է տեղի ունեցել Կոտայքի մարզում։ Ժամը 18։15-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհին հարակից դաշտերում հրդեհ է բռնկվել։ Այս մասին հայտնում է Shamshyan.com-ը։

Օպերատիվորեն ժամանել են Աբովյանի հրշեջ փրկարարական ջոկատից՝ մի քանի մարտական հաշվարկ։

Փրկարարները ու պարեկները պարզել են, որ հրդեհը բռնկվել է Երևան-Սևան ավտոճանապարհի 18,5-19 կմ հատվածներում, ճանապարհի ձախակողմյան հատվածում՝ խոտածածկ տարածքում, որը տարածվել է միչև կիսաքանդ շինություններ։

Հրշեջ փրկարարները ու պարեկները մեծ դժվարությամբ նախ կանխել են կրակի տարածումը, ապա մարել այն։

Հրդեհի հետևանքով, բարեբախտաբար տուժածներ չկան։