1in.am-ը գրում է.

Իսպանիայի թագավոր Խուան Կառլոս I-ը, ով մեկ շաբաթ առաջ կոնքազդրային հոդի ժամանակավոր պրոթեզի փոփոխման վիրահատություն է տարել, այսօր դուրս է գրվել հիվանդանոցից: Այս մասին տեղեկացրել է թագավորական վարչակազմը: 

Ինչպես տեղեկացվում է բժշկական եզրակացության մեջ, «թագավորը հաջողությամբ անցել է հետվիրահատական շրջանը, արդեն ինքնուրույն կարողանում է տեղաշարժվել, այդ պատճառով էլ նա կարող է ամբուլատոր բուժման անցնել»: 

Վիրահատության անհրաժեշտությունն առաջացել էր հյուսվածքների բորբոքման հետևանքով: 7 շաբաթ անց թագավորին կրկին կվիրահատեն՝ մշտական պրոթեզ տեղադրելու նպատակով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել