Tert.am-ը գրում է․

Սպիտակ տան հատուկ բանագնաց Սթիվ Ուիթքոֆֆը նախատեսում է հինգշաբթի օրը հեռախոսազրույց ունենալ Ուկրաինայի, Ֆինլանդիայի, Ֆրանսիայի, Գերմանիայի, Իտալիայի և Մեծ Բրիտանիայի ներկայացուցիչների հետ՝ նրանց տեղեկացնելու Ռուսաստանի նախագահ Վլադիմիր Պուտինի հետ իր հանդիպման արդյունքների մասին, հաղորդում է Axios-ի լրագրող Բարաք Դեյվիդը։

«Նա նախատեսում է հինգշաբթի օրը հեռախոսազրույց ունենալ Ուկրաինայի, Ֆինլանդիայի, Ֆրանսիայի, Գերմանիայի, Իտալիայի և Մեծ Բրիտանիայի ներկայացուցիչների հետ՝ նրանց տեղեկացնելու Պուտինի հետ իր հանդիպման մասին և քննարկելու հաջորդ քայլերը, այդ թվում՝ Պուտին-Թրամփ հանդիպման հնարավորությունը», – գրել է իսրայելցի լրագրողը սոցիալական ցանցում։

Լրագրողը չի ներկայացրել առաջիկա քննարկումների վերաբերյալ այլ մանրամասներ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել