Ինչպես հայտնի է, ՔՊ-ականները հաճախ են հայտարարում, թե իբր իրենց թիմում կատարյալ դեմոկրատիա է տիրում, չկան մտածելու կամ խոսելու արգելքներ, Նիկոլը խրախուսում է տարակարծությունը և այլն: Նրանք նման հեքիաթներ են պատմում՝ իբր փորձելով մյուս քաղաքական ուժերից շահեկանորեն տարբերվել ու որպես «ժողովրդավարության բաստիոնի» շինարարներ ներկայանալ հանրության մոտ մի դեպքում, երբ իրականությունը ճիշտ հակառակն է:

Մասնավորապես՝ հայտնի է դարձել, որ իշխանությունները Եկատերինբուրգից հետ են կանչել Հայաստանի պատվավոր հյուպատոս Նարեկ Սպարտակյանին, իսկ պատճառն այն է, որ նա անհամաձայնություն է հայտնել՝ կապված Հայ առաքելական եկեղեցու նկատմամբ երկրի ղեկավարության դիրքորոշման, գործարար Սամվել Կարապետյանի կալանավորման հետ:

Ստացվում է, որ ով որ դեմ է Նիկոլի անմարդկային քաղաքականությանը և այդ մասին իր կարծիքը չի թաքցնում, պետք է պատժվի ու սեփական աշխատանքին հրաժեշտ տա՝ անկախ նրանից, թե Նիկոլն ինչ է պլանավորում:

Այստեղ նաև ժեստ կա՝ ուղված ՌԴ-ին. Նիկոլն ուզում է ինքնիշխանի տպավորություն թողնել՝ մեկի, որ իբր ՌԴ-ից չի կաշկանդվում:

Չի կաշկանդվելու այնքան, քանի դեռ հանրությունը հանդուրժում է իր պես հոգեկանին, իսկ ընդդիմության մի կոնկրետ թև էլ չի դադարում թիրախավորել մյուսին՝ ուրախացնելով թշնամիներին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել