Սամվել Կարապետյանին պատկանող «Տաշիր Պիցցայի» բազմաթիվ մասնաճյուղերի փակմամբ պայմանավորված, ըստ տեղեկությունների, մեծ ակտիվություն է սկսել ցուցաբերել Գռզոն. իրեն պատկանող «Պիցցա Դի Ռոմա»-ի համար մեծ շանսեր են բացվել, ուստի տարբեր եղանակներով փորձում է պահը բաց չթողնել: Նախ՝ սկսել է արագ նոր մասնաճյուղեր բացել, ապա՝ Սամվել Կարապետյանի եղբայր Կարեն Կարապետյանին փորձել համոզել, որ «Տաշիր Պիցցան» վաճառեն իրեն ու շուկայից դուրս գան: Ասում են նաև, որ Նիկոլի «ականջին է թթվել»՝ համոզելու շարունակել «Տաշիր Պիցցայի» դեմ ճնշումներ բանեցնել, որ բիզնեսը կանգնի ու ինքը կարողանա գրոշներով այն Կարապետյանններից ձեռք բերել:

Գռզոյի այս վարքագիծը կանխատեսելի էր. նա հենց նման մանիպուլյացիաների ու իշխանական լծակների օգնությամբ է միլիարրդներ դիզել, որ հիմա մոնակոների կազինոներում հանգիստ խղճով կարողանա «ռուլետկա» ֆռռացնել՝ սեփական «ես»-ը շոյելով: Նիկոլին, ինչ խոսք, սա քաղաքականապես ձեռնտու է, քանի որ մի կողմից՝ ճնշումը կուժեղացնի Կարապետյանի վրա, մյուս կողմից՝ Գռզոյին կտա հրաշալի հնարավորություն՝ շուկան իրենով անելու՝ մի բան, որ ցանկացած բիզնեսմենի երազանքն է: Իհարկե, Գռզոն դրա դիմաց Նիկոլին անմաղարիչ չի թողնի, ուստի ինչո՞ւ օգտակարը չհամատեղել հաճելիի հետ, ինչո՞ւ հավելյալ միլիոններից հրաժարվել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել