1in.am-ը գրում է.
Եգիպտոսի կառավարությունը հույս ունի ավարտել անցումային փուլը հաջորդ տարվա գարնանը, տեղեկացնում է Reuters գործակալությունը:
Համապատասխան հայտարարությունը շաբաթ օրն արել է երկրի ԱԳ նախարար Նաբիլ Ֆահմին՝ ելույթ ունենալով ՄԱԿ-ի Գլխավոր ասամբլեայում: Նրա խոսքերով՝ Եգիպտոսի անցումային շրջանը կավարտվի գարնանային նախագահական և խորհրդարանական ընտրություններով, որից հետո նոր կադրերը կփոխարինեն այժմ գործողներին, ովքեր իշխանություն են ստացել Եգիպտոսի նախկին նախագահ Մուհամմեդ Մուրսիի տապալումից հետո:
Ֆահմիի խոսքերով՝ Եգիպտոսի կառավարությանն արդեն հաջողվել է «արդարության, ազատության և ժողովրդավարության սկզբունքներ հիմնել, որոնք հաջորդ կառավարության համար հիմք են ծառայելու»:
Ավելի վաղ տեղեկացվում էր, որ Եգիպտոսը ծրագրում է ամբողջովին վերանայել սահմանադրությունը, որն ընդունվել է Մուհամմեդ Մուրսիի և «Մուսուլման եղբայրների» կառավարման օրոք: